មិនស្មានថា ភរិយា Justin នៅតែស្អាតខ្លាំងបែបនេះ ទោះកូ»-នខ្ចីបាន៤សប្តាហ៍

អាមេរិក៖ តាំងពីសម្រាលបានកូនប្រុសឈ្មោះ Jack Blues Bieber កាលពីជិតមួយខែមុនមក ជីវិតគូរបស់ តារាចម្រៀងប្រុស Justin Bieber និងភរិយា Hailey ពិតជាមានសេចក្ដីសុខនិងផ្អែមល្ហែមខ្លាំងណាស់។

ថ្មីៗនេះ Hailey បានបង្ហោះរូបភាពនាង ទាំងស្ថិតក្នុងសភាពកូនខ្ចី ឲ្យអ្នកគាំទ្របានឃើញ ដែលធ្វើឲ្យអ្នកគាំទ្រចំហមាត់ ព្រោះសម្រស់របស់នាងនៅតែស្អាតទាក់ទាញ និងមើលទៅដូចជាមិនខុសប្លែកពីពេលមិនទាន់មានកូនត្រង់ណាទាល់តែសោះ មិនថាសាច់មុខ ស្បែកឬរាងរៅ។

នៅក្នុងរូបភាពនេះ Hailey បានកាន់ទូរស័ព្ទថតខាងមុខកញ្ចក់ ដោយពាក់អាវពណ៌ខ្មៅនិងចងសក់ឡើងដោយពុះសក់ខាងមុខពាក់កណ្ដាល ជាមួយនឹងពាក្យថា "សួស្ដី" ។

គួរបញ្ជាក់ផងដែរថា Hailey Bieber បានសម្រាលកូននាថ្ងៃទី២២ខែសីហា ដោយនាងបានសរសើរស្វាមី Justin Bieber ថាពិតជាបុរសដ៏កក់ក្ដៅនិងមើលថែនាងបានល្អខ្លាំងណាស់៕

ប្រភព៖ pagesix