បាត់មុខយូរ G.NA ធ្វើឲ្យអ្នកគាំទ្រត»-ក់ស្លុត ក្រោយបង្ហោះសារលាពិភពលោក

កម្សាន្ត៖ ក្រោយបាត់មុខពីរង្វង់សិល្បៈមួយរយៈធំ G.NA ដែលជាតារាស្រីទោល ដែលល្បីល្បាញកាលពីជំនាន់ឆ្នាំ២០១០ នោះបានវិលត្រឡប់មកធ្វើឲ្យអ្នកគាំទ្រតក់ស្លុតជាខ្លាំង ជាមួយនឹងរូបភាពថ្មីរបស់នាង។

តារាចម្រៀងស្រីរូបនេះបានបង្ហោះរូបភាពខ្លួនឯងត្រូវ Blur មើលអ្វីមិនច្បាស់ ហើយបានសរសេរថា "ខ្ញុំសុំលាហើយពិភពលោក" ដែលធ្វើឲ្យអ្នកគាំទ្រមានការព្រួយបារម្ភចំពោះសុវត្ថិភាពរបស់នាង។ បន្ទាប់ពីមានអ្នកគាំទ្របានចូលទៅបញ្ចេញមតិបង្ហាញការព្រួយបារម្ភនោះ G.NA បានលុបការបង្ហោះនោះចេញតែម្ដង។

គួរបញ្ជាក់ផងដែរថា G.NA បានបាត់មុខពីរង្វង់សិល្បៈកូរ៉េតាំងពីឆ្នាំ២០១៦ ដោយសារតែរឿងអាស្រូវលក់សេវាកម្មផ្លូវភេទរបស់នាង ប៉ុន្តែនាងបានបកស្រាយថានាងបានព្រមព្រៀងចួបលោក A ដែលជាម្ចាស់បំណុលរបស់នាងដោយសារតែគេបានឲ្យនាងខ្ចីប្រាក់ដោយមិនគិតថាមានរឿងបែបនេះកើតឡើងនោះឡើយ៕  

ប្រភព៖ allkpop