រៀបការបាន៥ឆ្នាំ តារាស្រីកូរ៉េ Soo Hyun ប្រកាសលែ»-ងលះស្វាមីអ្នកជំនួញ

កូរ៉េខាងត្បូង៖ តារាសម្ដែងស្រី Kim Soo Hyun (Claudia Kim) បានប្រកាសប្រាប់អ្នកគាំទ្ររបស់នាងថា នាងនឹងលែងលះគ្នាជាមួយស្វាមី ជាអ្នកជំនួញឈ្មោះ Cha Min Geun បន្ទាប់ពីចំណាយពេល៥ឆ្នាំជាមួយគ្នា។

យោងតាមការចុះផ្សាយពីសារព័ត៌មាន StarNews បានឲ្យដឹងថាការសម្រេចចិត្តនេះគឺកើតឡើងដោយមានការព្រមព្រៀងទាំងពីរភាគី ប៉ុន្តែគេពុំបានដឹងថាមូលហេតុអ្វីទើបចំណងអាពាហ៍ពិពាហ៍មួយនេះប្រេះស្រាំនោះឡើយ ខណៈដែលពួកគេមានចំណងដៃ កូនស្រីម្នាក់ជាមួយគ្នា។ អ្នកទាំងពីរព្រមព្រៀងនឹងចិញ្ចឹមកូនស្រីជាមួយគ្នា។

គួរបញ្ជាក់ផងដែរថា តារាស្រី Kim Soo Hyun បានប្រកាសថានាងនឹងរៀបការជាមួយអ្នកជំនួញ Min Geun កាលពីឆ្នាំ២០១៩ បន្ទាប់ពីទាក់ទងគ្នាជាសាធារណៈបានតែ៤ខែ ប៉ុន្តែចំណងស្នេហ៍នេះរឹងមាំមិនគ្រប់គ្រាន់រហូតស្ថិតស្ថេរគង់វង្សនោះឡើយ៕  

ប្រភព៖ koreaboo