លេងអាវធំអ៊ីចឹងទៅ Cha Eunwoo សង្ហាបែបកាចៗ ដូចតួបងធំ

បារាំង៖ Cha Eun Woo គឺជាតារាសម្ដែងប្រុសនិងតារាចម្រៀងមកពីក្រុង ASTRO ដ៏មានទេពកោសល្យ ដែលលោកមិនត្រឹមតែពូកែទាំងច្រៀងទាំងសម្ដែងទេ តែសម្រស់វិញ គឺចាត់ទុកថាសង្ហាខ្លាំង រហូតទាក់ទាញការចាប់អារម្មណ៍ពីប្រិយមិត្តមិនដែលដាច់សោះឡើយ។

ថ្មីៗនេះ កាលពីថ្ងៃទី២៥ខែកញ្ញាកន្លងទៅ Eun Woo បានបង្ហោះរូបភាពស្ដីពីការចូលរួមកម្មវិធីដើរម៉ូតមួយនៅ Paris Fashion Week នាទីក្រុងប៉ារីស ប្រទេសបារាំង ដោយ Eun Woo បានស្លៀកឈុតអាវធំពណ៌ត្នោតជាមួយនឹងក្រវាត់កពណ៌ដូចគ្នា មើលទៅសង្ហាបែបបុរសអភិជន។

បន្ថែមពីលើនេះ រូបគេក៏បានតុបតែងសក់វែកចំហៀង ទម្លាក់សក់បន្តិចមកខាងមុខ ហើយឈរលេងទឹកមុខយ៉ាងមាំ មើលទៅកាន់តែសង្ហាបែបកាចៗ ដែលធ្វើឲ្យអ្នកគាំទ្រសរសើរមិនដាច់ពីមាត់ថា Eun Woo ដើរតួជាមនុស្សមានចរិតកាចហ្មត់ចត់ក៏បាន និងគួរឲ្យស្រលាញ់ក៏បាន៕

ប្រភព៖ allkpop