បរទេស៖ តារាចម្រៀងស្រី Madonna បានសម្តែងការរំលែកទុក្ខ និងក្តីស្រលាញ់ចំពោះប្អូនប្រុសរបស់នាង ដែលជាអតីតអ្នករាំ Christopher Ciccone ដែលទើបទទួលមរណភាព ដោយសារជំងឺមហារីក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃទី ៦ ខែតុលាកន្លងទៅនេះ តារាចម្រៀង Madonna បានប្រកាសដំណឹងដ៏ក្រៀមក្រំ នៅលើ Instagram ដោយផ្តល់នូវអារម្មណ៍សោកសៅ ដល់ប្អូនប្រុសរបស់នាង។ តារាស្រីរូបនេះ បានសរសេរថា «ប្អូនប្រុសរបស់ខ្ញុំ Christopher បានទៅហើយ។ គាត់គឺជាមនុស្សដែលជិតស្និទ្ធបំផុតជាមួយខ្ញុំជាយូរមកហើយ។ វាពិបាកក្នុងការពន្យល់ពីទំនាក់ទំនងរបស់យើង» ។
យ៉ាងណាមិញ អ្នកតំណាងរបស់ Christopher Ciccone បានបញ្ជាក់ថា អតីតអ្នករាំរូបនេះ បានទទួលមរណភាព កាលពីថ្ងៃទី ៤ ខែតុលា។ ប៉ុន្មានសប្តាហ៍មុន ការស្លាប់របស់ Christopher ម្តាយចុងរបស់ Madonna ក៏បានស្លាប់ដោយសារជំងឺមហារីកផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖