ខណៈស្អែកចេញ MV ថ្មី Jennie ទម្លាក់ វីដេអូខ្លីសម្រាប់បទថ្មី ស្អាតញា»-ក់ (មានវីដេអូ)

កូរ៉េខាងត្បូង៖ ពិតប្រាកដណាស់ តាំងពីចាកចេញពីផលិតកម្ម YG Entertainment និងបើកក្រុមហ៊ុនខ្លួនឯងមានឈ្មោះថា ODD ATELIER មក Jennie ដែលជាសមាជិកក្រុមចម្រៀងនារី BLACKPINK កំពុងមមាញឹកនឹងការត្រៀមចេញបទថ្មី។

បទចម្រៀងថ្មីរបស់នាងមានឈ្មោះថា "Mantra" ជាបទនឹងត្រៀមចេញនាថ្ងៃទី១១ខែតុលាស្អែកនេះហើយ ខណៈដែល Jennie ក៏បានទម្លាក់រូបភាព Teaser សម្រាប់បទនេះរួចហើយដែរ។ យ៉ាងណាមិញ យប់មិញនេះ Jennie បានទម្លាក់វីដេអូខ្លី (Video Teaser) ពីបទ "Mantra" ចែកជូនអ្នកគាំទ្រទស្សនា។

ក្នុងនោះ គេបានឃើញ Jennie ស្លៀកពាក់ឡើងឡូយឆាយជាមួយនឹងសក់ពណ៌ទង់ដែងរបស់នាងដែលមើលទៅថតនៅក្នុងសម័យកាលខុសៗគ្នា និងមានបួនឈុត គឺនាងបានបើកទ្វារចុះពីឡានក្នុងឈុតខុសៗគ្នា ដែលធ្វើឲ្យអ្នកគាំទ្ររឹតតែចង់ឃើញថា MV ពេញរបស់បទនេះតើឡូយប៉ុណ្ណា៕  

ប្រភព៖ allkpop