ប្រេស៊ីល៖ ខ្សែប្រយុទ្ធក្លិប Al-Hilal កីឡាករ Neymar JR បាននិយាយច្បាស់ៗថា គ្មានកីឡាកររូបណាស័ក្តិសមនឹងឈ្នះពានរង្វាន់ Ballon d’Or 2024 ជាង Vinicius Junior នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងនិយាយពីគុណសម្បត្តិរបស់ Vinicius កាលពីរដូវកាលមុន រូបគេពិតជារួមចំណែកច្រើនមែនទែន ដោយរូបគេបានជួយឱ្យ Real Madrid ឈ្នះពានធំៗដូចជា La Liga, Supercopa និង Champions League ជាដើម ហើយនៅក្នុងវគ្គផ្តាច់ព្រ័ត្រពាន UCL ទល់នឹង Dortmund កាលពីថ្ងៃទី ២ ខែ មិថុនា កន្លងទៅ ខ្សែប្រយុទ្ធជម្រើសជាតិ ប្រេស៊ីល រូបនេះ ក៏បានចូលរួមចំណែកស៊ុតមួយគ្រាប់ផងដែរ។
ទាក់ទងនឹងរឿងខាងលើ Neymar បាននិយាយថា៖
ខ្ញុំគាំទ្រ Vinicius សម្រាប់ការឈ្នះពាន Ballon d’Or។ គ្មានអ្នកណាស័ក្តិសមឈ្នះជាងគាត់ទេ។ គាត់ស័ក្តិសមនឹងឈ្នះ Ballon d’Or ព្រោះ គាត់ជាអ្នកប្រយុទ្ធ គាត់ជួបរឿងឈឺចាប់ជាច្រើនក្នុងជីវិត ការចម្អកជាដើម ប៉ុន្តែថ្ងៃនេះ គាត់ជានិមិត្តរូប និង វីរបុរសរបស់ពួកយើង៕
ប្រភព៖ Fabrizio Romano
Bong I.T