ចាំមើលអាចជួយអង់គ្លេសឈ្នះពានបានអត់? គ្រូបង្វឹកឆ្នើមរូបនេះ បានសម្រេចចិត្តចុះកុងត្រាដឹកនាំក្រុមជម្រើសជាតិអង់គ្លេសហើយ

អង់គ្លេស៖ អតីតអ្នកចាត់ការទូទៅក្លិប Chelsea លោក Thomas Tuchel ត្រូវបានគេរាយការណ៍ថា បានសម្រេចចិត្តចុះកុងត្រារួចរាល់ហើយក្នុងការដឹកនាំក្រុមជម្រើសជាតិអង់គ្លេសពោលរង់ចាំតែការប្រកាសផ្លូវការប៉ុណ្ណោះ។

ជាការពិតណាស់ ក្រុមរហស្សនាមតោកំណាចខាងលើ មិនទាន់មានគ្រូបង្គោលថ្មីជាអចិន្ត្រៃយ៍នៅឡើយទេ បន្ទាប់ពីអតីតគ្រូបង្វឹកចាស់លោក Gareth Southgate ចាកចេញពីតំណែង ខណៈបច្ចុប្បន្នពួកគេកំពុងត្រូវបានដឹកនាំជាបណ្តោះអាសន្នដោយលោក Lee Carsley។

យ៉ាងណាមិញ បើតាមការបញ្ជាក់ច្បាស់ៗពីសំណាក់លោក Fabrizio Romano គឺ ពេលនេះ អង់គ្លេសរកបានគ្រូបង្គោលថ្មីហើយ បន្ទាប់ពីលោក Thomas Tuchel បានចុះកុងត្រារួចរាល់ដែលមានសុពលភាពរហូតដល់ឆ្នាំ ២០២៦ ពោល គោលដៅធំ គឺ ដើម្បីដឹកនាំក្រុមចូលរួមពានរង្វាន់ World Cup 2026 ខណៈ រូបលោកនឹងចាប់ផ្តើមដំណើរការងាររបស់គាត់ជាមួយក្រុមអង់គ្លេស ចាប់ពីខែមករា ឆ្នាំ២០២៥ ខាងមុខនេះតទៅ៕

ប្រភព៖ Fabrizio Romano