ល្អពេកហើយ! Messi ស៊ុត hat-trick យ៉ាងអស្ចារ្យ ជួយឱ្យ អាហ្សង់ទីន លត់ បូលីវី ទាំងព្រលឹម ៦-០(មានវីដេអូ)

បរទេស៖ នាព្រឹកថ្ងៃទី ១៦ ខែ តុលា ឆ្នាំ ២០២៤ នេះ ក្រុមជម្រើសជាតិ អាហ្សង់ទីន បានបើកទ្វាកីឡដ្ឋាន Estadio Mas Monumental របស់ខ្លួន ទទួលស្វាគមន៍ក្រុមភ្ញៀវ បូលីវី នៅក្នុងការប្រកួតវគ្គជម្រុះ World Cup ២០២៦ ប្រចាំទ្វីបអាមេរិកខាងត្បូង។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ អាហ្សង់ទីន ពិតជាបង្ហាញទម្រង់លេងអស្ចារ្យមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម បូលីវី ក្នុងលទ្ធផល ៦ ទល់នឹង ០។

ក្នុងនោះ ៦ គ្រាប់របស់ អាហ្សង់ទីន គឺរកបានដោយ Lionel Messi ៣ គ្រាប់ម្នាក់ឯង (hat-trick) នៅនាទីទី ១៩, ៨៤ និង ៨៦ ចំណែក ៣ គ្រាប់ទៀតគឺរកបានដោយ Lautaro Martinez នៅនាទីទី ៤៣, Julian Alvarez នៅនាទីទី ៤៥+៣ និង Thiago Almada នៅនាទីទី ៦៩។

គួរបញ្ជាក់ថា ក្រោយជ័យជម្នះយប់មិញនេះ គឺបានធ្វើឱ្យ អាហ្សង់ទីន បន្តឈរនៅកំពូលតារាងក្នុងពូលដដែល ក្រោយឆ្លងកាត់ ១០ ប្រកួតកន្លងមក ពួកគេឈ្នះ ៧ និងស្មើ ១ និងចាញ់ ២ មាន ២២ ពិន្ទុ ដោយឡែកក្រុម បូលីវី វិញ កំពុងឈរនៅលេខរៀងទី ៧ ដោយបច្ចុប្បន្នមាន ១២ ពិន្ទុក្នុងដៃ។

សូមទស្សនាវីដេអូខាងក្រោម៖