ភ្នំពេញ៖ ត្រឹមជាមហាជន ប្រាកដជាចង់ដឹងចង់លឺ ជីវិតដ៏អស្ចារ្យរបស់ពួកតារាល្បីៗ ហើយក៏ហាក់ដូចជា ចង់ដឹងឱ្យបានលម្អិតបន្ដិចពី ជីវិតឯកជនរបស់ពួកគេដែរ ប៉ុន្តែក៏មានតារាខ្លះ ក៏តែងតែបើកចំហរនៃ ជីវិតដ៏មានសុភមង្គលរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែទោះជាយ៉ាងណា ក៏មានតារាមួយចំនួន ចង់រក្សាជីវិតភាពឯកជន ជាពិសេសបុត្រា បុត្រីរបស់ពួកគេតែម្តង ដើម្បី គោរពសិទ្ធិទៅលើកុមារភាព ជាពិសេស អារម្មណ៍របស់ក្មេងទៅថ្ងៃអនាគតដូច្នេះដែរ។
ក្នុងនោះផងដែរ តារាចម្រៀងឯករាជ ពេជ្រ សូលីកា ក៏បានបង្ហើបអារម្មណ៍ពិតផងដែរ ពាក់ព័ន្ធលើករណីមួយនេះ ដែលមានបណ្តាលផេកមួយចំនួន បានរំលោភលើភាពឯកជនរបស់តារាស្រីរូបនេះ ដែលបានយករូបភាព កូនប្រុសរបស់នាង គ្រប់ទម្រង់ យកទៅចុះផ្សាយ ដោយទ្រាំមិនបាន ក៏បានបង្ហោះសំណេរ នៅលើផេកផ្លូវការរបស់នាង ដោយលើកឡើងដូច្នេះថា៖
វាមិនមែនជាលើកទីមួយដែលនាងខ្ញុំធ្វើការផុសស្នើរសុំទៅកាន់ផេកព័ត៌មានមួយចំនួន ដែលបានចុះផ្សាយអំពីរូបនាងខ្ញុំដោយគ្មានការអនុញ្ញាត ព្រមទាំងភ្ជាប់ជាមួយរូបភាពកូនប្រុសជាទីស្រឡាញ់របស់ខ្ញុំបន្ថែមទៀត ក្នុងនាមជាសិល្បៈខ្មែរមួយរូប នាងខ្ញុំពិតជាមានការអន់ចិត្តជាខ្លាំង ចំពោះការមិនគោរពសិទ្ធិទៅលើកុមារ ដែលចុះផ្សាយនៅព័ត៌មានអត់ប្រយោជន៍ ចំពោះរឿងមនុស្សធំមិនគួរយកក្មេងមកពាក់ព័ន្ធ ផ្សាយពីខ្ញុំអីក៏ផ្សាយចុះ បើផ្សាយមិនចេះគិត តែសូមកុំយករូបភាពកូនប្រុសរបស់ខ្ញុំទៅដាក់ក្នុងព័ត៌មានដែលអត់ប្រយោជន៍បន្តទៀត។សូមមេត្តាគិតដល់អារម្មណ៍ក្មេងទៅថ្ងៃអនាគតផង
Bong I.T