កូរ៉េខាងត្បូង៖ ប្រិយមិត្តដែលស្នេហាវិស័យរឿងភាគកូរ៉េ ប្រាកដជាធ្លាប់បានតាមដានរឿង"កន្លង់បាក់ស្លាប កុលាបមានស្នេហ៍"ឬជារឿង F4 កូរ៉េ ហើយ ដែលសម្ដែងដោយ Lee Minho ក្នុងនាម គូ ចុងព្យ៉ូ ហើយ Goo Hye Sun ជាគីម ចាន់ឌី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកន្លងផុតទៅយូរឆ្នាំមកហើយ ប៉ុន្តែប្រជាប្រិយភាពរបស់រឿងនេះនៅតែមានសន្ទុះហើយចាត់ទុកជារឿងមួយដ៏ពេញនិយមក្នុងស្រទាប់យុវវ័យ។ យ៉ាងណាមិញ បើក្រឡេកមកមើលសម្រស់របស់ Hye Sun ជាតួឯកស្រីវិញ គឺពិតជាស្រស់ស្អាតដូចពីមុនអ៊ីចឹង។
Hye Sun ទើបតែបានបង្ហាញខ្លួនក្នុងកម្មវិធីមួយរបស់ KBS 2TV ដោយនាងបានស្លៀកពាក់ដូចនៅផ្ទះយ៉ាងសាមញ្ញគឺអាវដៃវែងឆ្នូតសលាយទឹកក្រូច ចំណែកឯសក់របស់នាងវិញគ្រាន់តែគាបឡើង ទម្លាក់សក់ខាងមុខឲ្យរញ៉េរញ៉ៃ ហើយផ្ទៃមុខក៏មិនបានផាត់អ្វីដែរ ដែលមើលទៅពិតជាធម្មជាតិខ្លាំងណាស់។ អ្នកគាំទ្រក៏បានកោតសរសើរនាងដែរថា ទោះកន្លងផុតទៅច្រើនឆ្នាំហើយក៏នាងនៅតែរក្សាផ្ទៃមុខក្មេងជាងវ័យដដែល ដូចមិនខុសពីកាលសម្ដែងរឿងនោះឡើយ៕
ប្រភព៖ allkpop