សាមញ្ញៗទេតែ Jisoo នៅតែស្រស់ស្អាត ជះចំហាយអភិជនក្នុងរូបភាពថ្មី

កម្សាន្ត៖ ដូចដែលប្រិយមិត្តបានជ្រាបហើយថា Jisoo ដែលជាសមាជិកក្រុមចម្រៀងនារី BLACKPINK នៅតែទទួលបានកេរ្តិ៍ឈ្មោះល្បីល្បាញ បើទោះបីជានាងបានចាកចេញពី YG ហើយក៏ដោយ។

ក្នុងនោះទោះមិនបានចេញបទចម្រៀងថ្មីដូចសមាជិកដទៃទៀតដូចជាJennie, Lisa និង Rose តែ Jisoo ក៏នៅតែបន្តចេញមុខក្នុងកម្មវិធីនានា ហើយថ្មីៗនេះនាងបានទទួលងារជាទូតសុឆន្ទៈរបស់ម៉ាកយីហោ Tommy Hilfiger ។

តាមរយៈរូបថតប៉ុន្មានសន្លឹកនេះ គេឃើញថា Jisoo បានលេងស្ទាយ៍សាមញ្ញៗខុសពីមុនដាច់ ដោយស្លៀកពាក់សម្លៀកបំពាក់ដូចនៅផ្ទះធម្មតា ប៉ុន្តែសម្រស់ផ្ទៃមុខរបស់នាងនៅតែលេចធ្លោ ជាមួយនឹងការតុបតែងមុខ និងទម្លាក់សក់វែងអន្លាយ ដែលប្រៀបដូចអត្តសញ្ញាណរបស់នាង។ ក្រោយរូបភាពទាំងនេះបានបង្ហោះ អ្នកគាំទ្រសរសើរមិនដាច់ពីមាត់ថានាងពិតជាស្រស់ស្អាត មិនថាលេងស្ទាយ៍បែបសាមញ្ញក៏ដោយ ហើយមើលទៅនាងពិតជាថ្លៃថ្នូរដូចនារីអភិជន៕

ប្រភព៖ allkpop