មើលរូបភាពទាំងនេះហើយ មិនស្មានថា ចាង ស៊ីប៊ីយុ អាយុ៣៤ឆ្នាំទេ

កូរ៉េខាងត្បូង៖ ត្បិតថា Yoona ឬប្រិយមិត្តអ្នកតាមដានវិស័យភាពយន្តភាគកូរ៉េ ស្គាល់ក្នុងនាមជា "ចាង ស៊ីប៊ីយុ" ក្នុងរឿង "អូនជាបេះដូងបង" មានវ័យចូលដល់៣៤ឆ្នាំហើយ ប៉ុន្តែសម្រស់របស់នាងនៅតែស្រស់ស្អាតនិងលេចធ្លោខ្លាំង សក្តិសមនឹងការប្រសិទ្ធនាមថាជា "តារាស្រីស្អាតបំផុតប្រចាំវិស័យ KPOP ជំនាន់ទី២" ។

ក្រៅពីនោះ Yoona ក៏ត្រូវគេចាត់ទុកជាតារាចម្រៀងនិងសម្ដែងស្រីរៀមច្បង មានអាកប្បកិរិយានិងចរិយាសម្បត្តិសុភាពរាបសារ និងទន់ភ្លន់ខ្លាំងណាស់។

ថ្មីៗនេះ Yoona បានចេញមកបង្ហាញភាពស្រស់ស្អាត ដោយលេចមុខលើទស្សនាវដ្ដី Elle ដែលការថតធ្វើឡើងនាទីក្រុងប៉ារីស ប្រទេសបារាំង ដែលទោះតែងខ្លួនបែបលោកខាងលិចមែន តែទាំងការតុបតែងមុខបែបផ្កាឈូកៗ និងទឹកមុខដ៏ទន់ភ្លន់របស់នាង បានធ្វើឲ្យ Yoona ត្រូវគេសរសើរថានាងជារាជិនីសម្រស់ មើលទៅមិនសមនឹងវ័យ៣៤ឆ្នាំទាល់តែសោះ៕  

ប្រភព៖ allkpop