អង់គ្លេស៖ អតីតខ្សែប្រយុទ្ធឆ្នើមប្រចាំក្របខណ្ឌ Premier League លោក Gabby Agbonlahor បានរិះគន់ចំៗទៅលើ កីឡាករ Joshua Zirkzee ថា រូបគេមិនចេះទាំងទប់បាល់ផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងទីផ្សារដោះដូរកីឡាកររដូវក្តៅនេះ Man UTD បានចុះហត្ថលេខាទិញយក Zirkzee ពី Bologna ក្នុងតម្លៃផ្ទេរ ៣៦.៥លានផោន និង រកបានមួយគ្រាប់ទល់នឹង Fulham ក្នុងការបង្ហាញខ្លួនលើកដំបូងជាមួយក្រុម ប៉ុន្តែ ចាប់តាំងពីពេលនោះមក រូបគេនៅមិនទាន់អាចរកគ្រាប់បាល់ រឺ Assist សូម្បីតែម្តងនៅឡើយទេ ដែលកើតជាក្តីកង្វល់សម្រាប់អ្នកគាំទ្រដែលរំពឹងថា រូបគេនឹងលេចធ្លោក្នុងការលេងនៅកីឡដ្ឋាន Old Trafford។
ក្នុងនោះ ទាក់ទងនឹងរឿងខាងលើ លោក Agbonlahor បាននិយាយថា៖
គ្រប់គ្នានិយាយពី Zirkzee ថា គាត់ជាកីឡាករដ៏អស្ចារ្យ។ គាត់ទៅមុខលែងរួចហើយ គាត់មិនអាចសូម្បីតែទប់បាល់។ គាត់លេងមិនល្អសោះចាប់តាំងពីបើករដូវកាលមក៕
ប្រភព៖ Metro
Bong I.T