មួយឈុតនេះ Lisa ដូចសិ»-ស្សសា»-លា ស្អាតគ្រប់ប្លង់

អាមេរិក៖ ដូចដែលប្រិយមិត្តបានជ្រាបហើយថា Lisa ដែលជាសមាជិកក្រុមចម្រៀងនារី BLACKPINK នៅតែទទួលបានសន្ទុះនៃការគាំទ្រខ្លាំង បើទោះបីជានាងបានចាកចេញពីផលិតកម្ម YG ហើយក្ដី។

ក្នុងនោះ នាងបានចេញផ្សាយបទចម្រៀងថ្មីៗ ដូចជា ROCKSTAR, NEW WOMAN,និង Moonlit Floor ខណដែលនាងក៏បានបង្ហាញមុខនៅលើឆាកតន្ត្រីផ្សេងៗផងដែរ។ ដោយឡែក ថ្មីៗនេះ Lisa បានទាញយកចំណាប់អារម្មណ៍អ្នកគាំទ្រសាជាថ្មី ក្រោយបង្ហាញខ្លួនក្នុងកម្មវិធី "Celebrity Substitute" ដោយបានរាំជាមួយនឹងក្មេងៗ។

កម្មវិធីនេះជាកម្មវិធីដែលតារាៗចេញមកដើរតួជាគ្រូៗរបស់កូនសិស្ស ហើយមានការបង្ហាត់បង្រៀនក៏ដូចជាបំបែកក្បាច់រាំ ហើយក្នុងនោះ Lisa ក៏បានស្លៀកពាក់យ៉ាងលេចធ្លោជាមួយនឹងអាវដៃវែងពណ៌ស មានផ្កាកុលាបពណ៌ខៀវចាក់នៅពីលើ និងអាវក្នុងពណ៌ដូចគ្នា ហើយសំពត់វិញ នាងស្លៀកសំពត់ខ្លីលើជង្គង់បន្តិច ពណ៌រាងខៀវ ដែលមើលទៅដូចនាងជាសិស្សសាកលវិទ្យាល័យម្នាក់៕

ប្រភព៖ allkpop