មន្ទីរពេទ្យកែសម្ផស្ស ធីរ៉ៈផន នាំយកបទពិសោធជំនាញមកកាន់កម្ពុជា ជាមួយនឹងកម្មវិធីជំនួបពិសេស ជាមួយតារាដ៏ល្បីលំដាប់ជួរមុខរបស់ថៃ កញ្ញា ផេនខេក

ភ្នំពេញ ៖ កាលពីថ្ងៃទី ២៤ ខែតុលា ឆ្នាំ២០២៤ មន្ទីរពេទ្យកែសម្ផស្ស ធីរ៉ៈផន (TEERAPORN) ដែលជាមជ្ឈមណ្ឌលកែសម្ផស្សលំដាប់ឈានមុខគេជាមួយបទពិសោធច្រើនជាង ៤០ឆ្នាំ នៅប្រទេសថៃ បានពង្រីកសេវាកម្មរបស់ខ្លួន នៅកម្ពុជាតាមរយៈកម្មវិធីជំនួបពិសេស TEERAPORN Exclusive Meet & Greet ដែលផ្ដល់ឱកាសដល់សាធារណជន ឱ្យទទួលបាននូវសេវាប្រឹក្សាយោបល់អំពីការកែសម្ផស្សដោយឥតគិតថ្លៃ ព្រមទាំងអាចជួបផ្ទាល់ជាមួយក្រុមវេជ្ជបណ្ឌិតល្បីៗរបស់ខ្លួនមកពីប្រទេសថៃផ្ទាល់ និងតារាថៃដ៏ល្បីលំដាប់ជួរមុខ កញ្ញា ផេនខេក (Pancake Khemnit)។ 

ព្រឹត្តិការណ៍ដ៏ពិសេសដែលប្រារព្ធធ្វើឡើងនៅសណ្ឋាគារ Hyatt Regency Phnom Penh ថ្ងៃទី ២៤ ខែតុលា ឆ្នាំ២០២៤ នេះ បង្ហាញពីការពង្រឹកវិសាលភាពរបស់មន្ទីរពេទ្យកែសម្ផស្សដ៏ល្បីរបស់ថៃមួយនេះនៅកម្ពុជា ដោយនាំមកនូវបទពិសោធជំនាញស្ដង់ដាលំដាប់អន្តរជាតិផ្នែកព្យាបាលកែសម្ផស្សសម្រាប់អតិថិជនថ្មីនៅកម្ពុជា។

ធីរ៉ៈផន ជាមន្ទីរពេទ្យកែសម្ផស្សដ៏ល្បីលើជំនាញវះកាត់កែសម្ផស្សផ្ទៃមុខ ដែលបានផ្ដល់ជូននូវសេវាកម្មកែសម្ផស្សជាច្រើនឆ្នាំ ប្រកបដោយបទពិសោធខ្ពស់ជាមួយនឹងក្រុមគ្រូពេទ្យជំនាញច្បាស់លាស់ និងបច្ចេកទេសទំនើបទាន់សម័យ។ អ្នកតំណាងមន្ទីរពេទ្យកែសម្ផស្ស ធីរ៉ៈផន ប្រចាំនៅកម្ពុជា បានថ្លែងឱ្យដឹងថា ៖

ព្រឹត្តិការណ៍នេះ មានកម្មវិធីជំនួបពិសេសជាមួយតារាល្បីលំដាប់ជួរមុខរបស់ថៃ គឺកញ្ញា ផេនខេក អ្នកគាំទ្រទាំងអស់ពិតជាមានសំណាងដោយបានជួបជាមួយ ជាមួយកញ្ញា ផេនខេក (Pancake Khemnit) ដោយផ្ទាល់ ក្រៅពីនេះតារាកិត្តិយសជា Super Star ដែលមកពីប្រទេសថៃក៏បានលើកឡើងពីសេវាកម្មដែលពួកគាត់បានទទួលនៅ ធីរ៉ៈផន រាប់ឆ្នាំហើយថាពិតជាល្អ បង្កើនសម្រស់របស់ពួកគាត់ឱ្យកាន់តែទាក់ទាញ និងជាពិសេសនោះមិនមានបន្សល់ស្លាកស្នាម ព្រមទាំងផលវិបាកអ្វីផ្សេងឡើយ។

ក្នុងនោះក៏មានអតិថិជននៅកម្ពុជា បានឡើងមកបង្ហាញពីចំណាប់អារម្មណ៍និងកោតសរសើរនូវសេវាកម្មដែលពួកគាត់បានទទួល ដោយលើកឡើងថាគ្រូពេទ្យរបស់ ធីរ៉ៈផន ផ្តល់ប្រឹក្សាចំពោះសេវាកម្ម និងមានភាពច្បាស់លាស់ មានជំនាញឯកទេសរាប់សិបឆ្នាំមកហើយ។

ក្រោយពីបានសំណេះសំណាល Super Star ដែលមកពីប្រទេសថៃបានថតរូបជាអនុស្សារីយ៍ជាមួយអ្នកគាំទ្រ។ ជាពិសេសសាធារណជន ទទួលបាននូវសេវាប្រឹក្សាយោបល់អំពីការកែសម្ផស្សដោយឥតគិតថ្លៃជាមួយក្រុមវេជ្ជបណ្ឌិតល្បីៗរបស់ ធីរ៉ៈផន មកពីប្រទេសថៃផ្ទាល់ ថែមទាំងមានប្រូម៉ូសិន និងមានតែមួយគត់សម្រាប់ប្រជាជនកម្ពុជា ដែលនេះជាបទពិសោធដ៏ពិសេសមួយមិនអាចបំភ្លេចបាន។ 

សម្រាប់ព័ត៌មានបន្ថែមអំពីមន្ទីរពេទ្យកែសម្ផស្ស ធីរ៉ៈផន សូមទាក់ទងមកកាន់ 012 790 686 ឬតាមដានទំព័រហ្វេសប៊ុកមន្ទីរពេទ្យកែសម្ផស្ស ធីរ៉ៈផន (TEERAPORN) ៖ https://www.facebook.com/@teerapornsurgeryhospital ៕