តុបតែងបែបនេះ Selena និងគូស្នេហ៍ ត្រូវគេចាប់អារម្មណ៍ គ្រប់គ្នា

កម្សាន្ត៖ តារាចម្រៀងស្រី Selena Gomez និងគូស្នេហ៍ ដែលជាតន្ត្រីករលោក Benny Blanco បានស្លៀកពាក់ជាតួអង្គ ក្នុងរឿង «Alice in Wonderland» នៅពេលចូលរួមពិធីជប់លៀង Halloween កាលពីចុងសប្តាហ៍កន្លងទៅ។

ពេលទៅចូលរួមកម្មវិធីជប់លៀង Halloween ជាមួយគ្នាជាលើកដំបូងចាប់តាំងពីមានស្នេហាមក តារាចម្រៀងស្រី Selena Gomez និង Benny បានស្លៀកពាក់យ៉ាងរំជើបរំជួលដ៏គួរឱ្យចាប់អារម្មណ៍។ Selena បានតុបតែងខ្លួន ពាក់​រ៉ូប​ពណ៌​ខៀវ​ដែល​មាន​រោម​ និង​លេងស្ទាយ៍សក់​ពណ៌ទង់ដែង ​ស្លៀកពាក់​ជា Alice ដែលជាតួអង្គក្នុង​រឿង ​ Alice in Wonderland ឆ្នាំ ២០១០ ចំណែកឯ មិត្ត​ប្រុស​របស់​នាង​វិញ បានស្លៀកពាក់​ជា​តួ Mad Hatter ក្នុង​រឿង​នេះ។ 

នៅលើ Instagram តារាចម្រៀងស្រី Selena បាន​ចែករំលែក​រូបថត​ជាច្រើន​សន្លឹក​ ដែល​ថត​នៅផ្ទះ​ជាមួយ​នឹង​សម្ភារៈ​សត្វ​ជាច្រើន ​នៅ​ក្បែរ​នាង។ រូប​ថត​មួយ​ឈុត​នេះ​ ទទួល​បាន​អ្នក​ចូល​ចិត្ត​ជាង ៧ លាន​នាក់​ពី​អ្នក​គាំទ្រ។ ខណៈពេលទៅដល់ពិធីជប់លៀង គូស្នេហ៍មួយគូនេះ បានបង្ហាញរូបថតនៅលើ Story រួមទាំងរូបថតគូស្នេហ៍កាន់ដៃគ្នា យ៉ាងស្និទ្ធស្នាល ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖