អតីតស្វាមី Jennifer Lopez ចេញមកសរសើរនាង បែបនេះ ទោះកំពុង»»-លែ»»-ង»»-លះ»»-គ្នា

កម្សាន្ត៖ តារាសម្តែង លោក Ben Affleck បានសរសើរការសម្ដែងរបស់អតីតភរិយា Jennifer Lopez នៅក្នុងខ្សែភាពយន្តថ្មីដែល លោក បានផលិត។

នៅពាក់កណ្តាលដំណើរការនៃការលែងលះគ្នា តារាសម្ដែង លោក Ben Affleck នៅតែមានពាក្យល្អ សម្រាប់ Jennifer Lopez នៅពេលនិយាយអំពីខ្សែភាពយន្ត Unstoppable ។ នៅក្នុងបទសម្ភាសន៍អនឡាញ ជាមួយ Entertainment Tonight កាលពីដើមសប្តាហ៍នេះ តារាសម្តែងវ័យ ៥២ ឆ្នាំរូបនេះ បានចែករំលែកថា «Unstoppable គឺមានភាពខុសគ្នាខ្លាំងណាស់ ពីខ្សែភាពយន្តរឿង Small Things Like these (គម្រោងទី 2 របស់ Ben ដែលបានចេញផ្សាយក្នុងឆ្នាំ ២០២៤) ប៉ុន្តែក៏ស្រដៀងគ្នានេះដែរ វាក៏ត្រូវបានបង្កើតឡើងជាមួយនឹង ចំណង់ចំណូលចិត្តរបស់សិល្បករដែលមានទេពកោសល្យពិតប្រាកដ Billy Goldenberg, Jennifer Lopez, Don Cheadle, Jharrel Jerome និង Bobby Cannavale សុទ្ធតែបានទាញយកបេះដូងរបស់ពួកគេ ទៅក្នុងខ្សែភាពយន្តនេះ»។

មិនត្រឹមតែប៉ុណ្ណោះ តារា​ប្រុសរូបនេះ ​ក៏​បាន​លើក​ឡើង​ពី​ការ​សម្ដែង​ដ៏​គួរ​ឲ្យ​ទាក់​ទាញ​របស់​ អតីត​ភរិយា​របស់​ខ្លួន​ក្នុង​រឿង​នេះ​ផង​ដែរ ដោយបាននិយាយថា Jennifer ពិតជាអស្ចារ្យខ្លាំងណាស់។

គួររំឮកផងដែរថា តារា​ចម្រៀងស្រី Jennifer Lopez បាន​ដាក់​ញត្តិ​ទៅ​តុលាការ​ នៅ​ថ្ងៃ​ទី ២០ ខែ​សីហា ដោយ​បញ្ចប់ ​ការ​រៀបការ​រយៈពេល ២ ឆ្នាំ​របស់​នាង ​ជាមួយ Ben Affleck៕

ប្រភព៖ Ngoisao.net

សូមទស្សនារូបភាពខាងក្រោម៖