កម្សាន្ត៖ ដូចដែលប្រិយមិត្តបានជ្រាបហើយថា Rosé ដែលជាសមាជិកក្រុមចម្រៀងនារី BLACKPINK ទើបនឹងចេញបទចម្រៀងថ្មីមានចំណងជើងថា "APT." ច្រៀងជាមួយ Bruno Mars ដែលបានទទួលការគាំទ្រភ្លូកទឹកភ្លូកដីមិនធម្មតា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បទនេះជាបទសប្បាយៗ ស្ដាប់ទៅអារម្មណ៍ល្អព្រោះរៀបរាប់ពីល្បែង APT. របស់ជនជាតិកូរ៉េគេធ្លាប់លេងធ្វើឲ្យអ្នកស្ដាប់មានការញៀនញ៉ាមនឹងស្ដាប់ជាខ្លាំង។ APT. បានក្លាយជាបទមួយដ៏ពេញនិយម ទើប Rosé បានផ្ដល់បទសម្ភាសន៍ខ្លះៗជាមួយ PAPER Magazine ដើម្បីផ្សព្វផ្សាយអាល់ប៊ុមថ្មីរបស់នាង "rosie" ។
Rosé បានឆ្លៀតទម្លាយរឿងដ៏គួរឲ្យភ្ញាក់ផ្អើលមួយថា នាងក៏ធ្លាប់មានទំនាក់ទំនងស្នេហាកាលពីមុនមកដូចតែនារីៗអាយុខ្ទង់២០ផ្សេងទៀតដូចគ្នា ហើយទំនាក់ទំនងនាងនោះគឺពិតជាអាក្រក់និងតុកសិកខ្លាំងណាស់។
នាងបានទម្លាយថា៖
ខ្ញុំគិតថាខ្ញុំពិតជាមានអំណរគុណណាស់ដែលបានឆ្លងកាត់ទំនាក់ទំនងពីមួយទៅមួយ។ អ្នកដឹងហើយគឺដូចនារីវ័យ២០ឆ្នាំផ្សេងទៀត។ ខ្ញុំចង់ឲ្យមនុស្សឯទៀតយល់ថា ខ្ញុំក៏មិនខុសអីពីសង្សាររបស់អ្នកទាំងអស់គ្នាដែរ ឬជានារីអាយុ២៣ឆ្នាំ។ បើអ្នកបានស្តាប់បទខ្ញុំ អ្នកប្រហែលជាដឹងហើយ ជាពិសេសអ្នកធ្លាប់ឆ្លងកាត់ទំនាក់ទំនងតុកសិកដ៏អាក្រក់។ វាមិនសម្ដៅតែលើមិត្តប្រុសទេតែគឺទំនាក់ទំនងតុកសិកឯទៀត។
ប្រភព៖ koreaboo
Bong I.T