មានអ្នកណាខ្លះទៅ? សង្វៀនគ្រុឌ ចាយខ្សែក្រវាត់ដល់ទៅ ៤ខ្សែ ហ្គង់ MMA ទាំងអស់ មិនមែនមានតែគូ ពេជ្រ សម្បត្តិ ទេ ប៉ុន្តែ លេងធំគីឡូ 54 57 60 ក្នុងនោះក៏មាន ប៊ុនសិដ្ឋ និង ហាន់ពី ចូលលេងដែរ

ប្រដាល់៖ នៅថ្ងៃព្រះរាជពិធីបុណ្យអ៊ុំទូក សង្វៀនគ្រុឌគុនខ្មែរ នឹងមានការប្រកួតឈុតធំ ពោលដាក់ខ្សែក្រវាត់ដល់ទៅ ៤ខ្សែ ឲ្យកីឡាករដណ្តើម ពេញ ៣ថ្ងៃ នៅទឹកដីជ្រោយចង្វារ ក្នុងនោះមានប្រភេទទម្ងន់ ៦០ ពីរខ្សែ ៥៧ មួយខ្សែ និង ៥៤ មួយខ្សែ។

ជាការពិតណាស់ ទាក់ទងនឹងបេក្ខភាពដែលនឹងមានឈ្មោះលេងខ្សែក្រវាត់គ្រុឌ គឺ មានដូចតទៅ៖

-សម្រាប់គីឡូ ៥៤ ប្រកួតម៉ារ៉ាតុងហ្គង់ចេញម្រាម មានបេក្ខភាពចូលរួមដូចជា ហាន់ពី, បាន លីម, គឿម សុវណ្ណឃីម និ ធន់ ឆៃលី។

-សម្រាប់គីឡូ ៥៧ ប្រកួតម៉ារ៉ាតុងហ្គង់ចេញម្រាម មានបេក្ខភាពចូលរួមដូចជា ពេជ្រ ប៊ុនសិដ្ឋ, លាប រដ្ឋា, ខេម ចាន់ និង អ៊ូច ធារិទ្ធ

-សម្រាប់គីឡូ ៦០ ប្រកួតម៉ារ៉ាតុងហ្គង់ចេញម្រាម មានបេក្ខភាពចូលរួមដូចជា ហុង សុវណ្ណចាន់សុធី, វ៉ាន់ វឿន, ស៊ន រ៉ាគីម និង ធន់ ម៉េងហុង។

-សម្រាប់គីឡូ ៦០ ចុងក្រោយ គឺ ជាការប្រកួតរវាង ពេជ្រ សម្បត្តិ ទល់នឹង Ncedo Gomba ប្រកួតហ្គង់ចេញម្រាម ៥ទឹក។