Smart Youth League 2024: បញ្ចប់ទៅដោយជោគជ័យ ជាមួយភាពសប្បាយរីករាយ និងការចងចាំ សម្រាប់ក្មេងៗ និងអាណាព្យាបាល

បន្ទាប់ពីឆ្លងកាត់ការប្រកួតរយៈពេលជាងបីខែ ពានរង្វាន់ Smart Youth League 2024 បានរកឃើញនូវក្រុមដែលឈ្នះពាន់រង្វាន់ទាំង 7 កម្រិតដែលរួមមាន៖

§  ក្រុមបាល់ទាត់ ISI Football School ឈ្នះពានរង្វាន់កម្រិតក្រោមអាយុ 8 ឆ្នាំ

§  ក្រុមបាល់ទាត់ Little Lion PPCFS ឈ្នះពានរង្វាន់កម្រិតក្រោមអាយុ 10 ឆ្នាំ

§  ក្រុមបាល់ទាត់ Red Flash PPCFS បានឈ្នះពានរង្វាន់កម្រិតក្រោមអាយុ 12 ឆ្នាំ

§  ក្រុមបាល់ទាត់ Kmeng Toch PPCFS បានឈ្នះពានរង្វាន់កម្រិតក្រោមអាយុ 14ឆ្នាំ

§  ក្រុមបាល់ទាត់ CPS បានឈ្នះពានរង្វាន់កម្រិតក្រោមអាយុ 16 ឆ្នាំ

§  ក្រុមបាល់ទាត់ Avatar Youth FC បានឈ្នះពានរង្វាន់កម្រិតក្រោមអាយុ 19 ឆ្នាំ

§  ក្រុមបាល់ទាត់ នារី ក្រុម Riel Phnom Penh បានឈ្នះពានរង្វាន់នារី

ឆ្នាំនេះ គឺជាលើកទីបីហើយ ដែល Smart បានសហការជាមួយ ក្លឹបបាល់ទាត់ដៃគូរ ភ្នំពេញក្រោន (PPCFC) ក្នុងការរៀបចំឡើងនូវ ការប្រកួតពានរង្វាន់យុវជន ស្មាត (Smart Youth League) នេះឡើង។ ការប្រកួតដ៏ស្វិតស្វាញរបស់កុមារទាំងអស់ដែលបានចូលរួម បានផ្តល់ជូននូវទស្សនីយភាពដ៏រំភើបទៅកាន់អ្នកចូលរួមទស្សនាផ្ទាល់ ក៏ដូចជាអ្នកដែលបានទស្សនាតាមរយៈការ​​ Live ទាំងនៅលើផេកហ្វេសបុក Smart Axiata, Phnom Penh Crown FC និង Smart Youth League ។

ការប្រកួតទាំងអស់ក្នុងព្រឹត្តិការណ៍នេះ បានប្រព្រឹត្តិទៅប្រកបទៅដោយសាមគ្គីភាព ការគោរពគ្នាទៅវិញទៅមក និងជាមួយវិជ្ជាជីវជាកីឡាករ ព្រមទាំងទទួលបានការកោតសរសើរពីសំណាក់មហាជន។ Smart និង ភ្នំពេញក្រោន (PPCFC) ពិតជាមានមោទនភាពដែលបានសហការគ្នារៀបចំ Smart Youth Leage នេះឡើង​ ដែលបានផ្តល់ឪកាសដល់់យុវជនក្នុងការបង្ហាញសមត្ថភាព និងចាប់ផ្តើមក្តីស្រម៉ៃរបស់ខ្លួនក្នុងវិស័យបាត់ទាត់ ដើម្បីក្លាយខ្លួនជាទំពាំងស្នងឫស្សី ក្នុងវិស័យបាល់ទាត់របស់កម្ពុជា ក៏ដូចជាក្រុមជម្រើសជាតិបាល់ទាត់កម្ពុជាផងដែរនាពេលអនាគត៕