វ័យក្បែរ៤០ឆ្នាំកាន់តែល្អ! គ្រាប់ទី ២ យប់មិញ Ronaldo ស៊ុតជើងឆ្វេងមួយជើងចង់ធ្លុះសំណាញ់ទី ខណៈ Al-Nassr លត់ Damac ២-០(មានវីដេអូ)

បរទេស៖ នាយប់ថ្ងៃទី ២៩ ខែ វិច្ឆិកា ឆ្នាំ ២០២៤ ម្សិលមិញនេះ ក្រុម Al-Nassr បានបើកទ្វាកីឡដ្ឋានរបស់ខ្លួន ទទួលស្វាគមន៍ក្រុមភ្ញៀវ Damac នៅក្នុងការប្រកួតសប្តាហ៍ទី ១២ នៃក្របខណ្ឌ Saudi Pro League របស់ អារ៉ាប៊ីសាអ៊ូឌីត។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Al-Nassr ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុមភ្ញៀវ Damac ក្នុងលទ្ធផល ២ ទល់នឹង ០។

ក្នុងនោះ ២ គ្រាប់របស់ Al-Nassr គឺរកបានដោយ Cristiano Ronaldo ទាំង ២ គ្រាប់ គឺនៅនាទីទី ១៧ (P) និងនាទីទី ៧៩។

គួរបញ្ជាក់ថា ក្រុម Al-Nassr បច្ចុប្បន្នកំពុងឈរនៅលេខរៀងទី ៣ នៃតារាងចំណាត់ថ្នាក់របស់ SPL ក្រោយឆ្លងកាត់ ១២ ប្រកួត ពួកគេឈ្នះ ៧ ស្មើ ៤ និងចាញ់ ១ មាន ២៥ ពិន្ទុ ចំណែកក្រុម Damac វិញ កំពុងឈរនៅលេខរៀងទី ១១ ក្រោយឆ្លងកាត់ ១២ ប្រកួតដូចគ្នា ពួកគេឈ្នះ ៤ ស្មើ ២ និងចាញ់ ៦ មាន ១៤ ពិន្ទុ។

សូមទស្សនាវីដេអូខាងក្រោម៖