បរទេស៖ លោក Erik ten Hag ត្រូវបានគេរាយការណ៍ថា បានទទួលសំណងពីក្លិបបិសាចក្រហម Manchester United យ៉ាងច្រើនមហាសាល បន្ទាប់ពីលោកត្រូវបានបណ្តេញពីតំណែង ពោលគឺរហូតដល់ទៅ ១០.៤ លានផោន ឬប្រមាណជា (១៣.១ លានដុល្លារអាមេរិក)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងនោះបើតាមប្រភពដែលដកស្រង់ពីសារព័ត៌មាន GOAL គឺក្រុមម្ចាស់ជើងឯកលីគកំពូល អង់គ្លេស ២០ សម័យបានចាយលុយចំនួន ១០.៤ លានផោន ឬប្រមាណជា (១៣.១ លានដុល្លារអាមេរិក) ចំពោះការបណ្តេញបុរសញ្ជាតិ ហូល្លង់ វ័យ៥២ ឆ្នាំចេញ និងទឹកប្រាក់ផ្សេងទៀតចំពោះក្រុមការងាររបស់គាត់ ដូចជាលោក Ruud van Nistelrooy ជាដើម។
ដោយឡែក ការតែងតាំងគ្រូបង្វឹកថ្មីលោក Ruben Amorim វិញ ក្លិបបិសាចក្រហមក៏បានចាយលុយយ៉ាងច្រើនសន្ធឹកសន្ធាប់ផងដែរ ពោលគឺរហូតដល់ទៅ ១១ លានផោន ឬប្រមាណជា (១៣.៩ លានដុល្លារអាមេរិក) ឯណោះ ដែលនេះគឺរាប់ទាំងតម្លៃកុងត្រា និងតម្លៃបង់ផ្តាច់បុរសសញ្ជាតិ ព័រទុយហ្គាល់ វ័យ ៣៩ ឆ្នាំចេញពី Sporting CP។
ប្រភព៖ GOAL
Bong I.T