ចុមយក្ស! Bale បានចុចឈ្មោះកីឡាករ R.Madrid រូបនេះ ថានឹងឈ្នះ Ballon d'Or ២០២៥ តែមិនមែន Vinicius ទេ

បរទេស៖ អតីតខ្សែប្រយុទ្ធរបស់ Real Madrid កីឡាករ Gareth Bale បានផ្តល់ចម្លើយយ៉ាងភ្ញាក់ផ្អើល ដោយបានជ្រើសរើសយក Kylian Mbappe ថាជាបេក្ខភាពនឹងអាចឈ្នះពាន Ballon d'Or នៅក្នុងឆ្នាំ ២០២៥។

ជាការពិតណាស់ បើយើងនិយាយពីពាន Ballon d'Or នេះ អ្នកគាំទ្រភាគច្រើនហាក់មានការជឿជាក់ខ្ពស់លើ Vinicius Jr. ថារូបគេនឹងអាចឈ្នះនៅឆ្នាំ ២០២៥ ខាងមុខ ដោយសារតែរូបគេជាកីឡាករម្នាក់់ ដែលមានសមត្ថភាពលេចធ្លោរខ្លាំង ហើយមួយវិញទៀតនៅឆ្នាំ ២០២៤ នេះ រូបគេស្ទើរតែបានឈ្នះទៅហើយ ប៉ុន្តែជារឿងសោកស្តាយ ដែលចុងក្រោយរូបគេបានចាញ់ពិន្ទុ Rodri បន្តិច ដោយស្ថិតនៅលេខរៀងទី ២។

ងាកមកកាន់ Kylian Mbappe វិញ រូបគេហាក់ធ្វើពុំសូវបានល្អប៉ុន្មានទេ ក្នុងការចាប់ផ្តើមរដូវកាលដំបូងជាមួយ Real Madrid នៅរដូវកាល ២០២៤-២០២៥ នេះ ប៉ុន្តែទោះបីជាយ៉ាងណាក៏ដោយ Bale នៅតែជឿជាក់លើ Mbappe ថារូបគេនឹងអាចឈ្នះបាល់មាសក្នុងឆ្នាំ ២០២៥។

ថ្លែងនៅក្នុងកិច្ចសម្ភាសន៍ខ្លីៗជាមួយ TNT Sport អតីតខ្សែប្រយុទ្ធជម្រើសជាតិ វែលស៍ វ័យ ៣៥ ឆ្នាំបានឆ្លើយយ៉ាងដូច្នេះថា៖

- ក្រុមដែលឈ្នះពាន Champions League គឺ Real Madrid

- កីឡាករដែលឈ្នះស្បែកជើងមាសនៅ UCL គឺ Harry Kane

- ក្រុមដែលឈ្នះពាន Premier League គឺ Liverpoo

- កីឡាករដែលឈ្នះស្បែកជើងមាសនៅ Premier League គឺ Erling Haaland

- កីឡាករដែលឈ្នះពាន La Liga គឺ Real Madrid

- កីឡាករដែលឈ្នះស្បែកជើងមាសនៅ La Liga គឺ Robert Lewandowski

- កីឡាករដែលឈ្នះពាន Ballon d'Or គឺ Kylian Mbappe៕

ប្រភព៖ Sportskeeda