David Beckham និងកូនស្រី ចូលរួមកម្មវិធីនេះ ជាមួយគ្នា ហ្វេនៗចាប់អារម្មណ៍ គ្រប់គ្នា

កម្សាន្ត៖ អតីតកីឡាករបាល់ទាត់ លោក David Beckham និងកូនស្រីរបស់លោក ដែលមានឈ្មោះថា Harper បានទៅចូលរួមពិធីជប់លៀងអបអរសាទរខួបលើកទី ១០ នៃការបើកហាងសំលៀកបំពាក់ Victoria ដំបូងរបស់ភរិយា នៅទីក្រុងឡុងដ៍កាលពីថ្ងៃទី ២៨ ខែវិច្ឆិកា កន្លងទៅនេះ ។

David Beckham និងកូនស្រី Harper បានទៅហាងរបស់ Victoria នៅផ្លូវ Dover ទីក្រុងឡុងដ៍ ដើម្បីប្រារព្ធខួបរបស់ពួកគេ។ តាមរយៈការបង្ហាញវត្តមានលើកនេះ Harper បានបង្ហាញខ្លួន ដោយស្លៀកពាក់យ៉ាងស្រស់ស្អាត នៅជិតម្តាយរបស់នាង។ ក្មេងស្រីវ័យ ១៣ ឆ្នាំរូបនេះ បង្ហាញខ្លួនកាន់តែច្រើនឡើងនៅក្នុងពិធីជប់លៀងនិងព្រឹត្តិការណ៍ជាមួយឪពុកម្តាយរបស់នាង។ ប្រភពនៅចក្រភពអង់គ្លេសបាននិយាយថា ប្ដីប្រពន្ធមួយគូនេះ កំពុងរៀបចំផ្លូវសម្រាប់អាជីពកូនស្រីរបស់ពួកគេ ដោយស្ងប់ស្ងាត់។

មិនត្រឹមតែប៉ុណ្ណោះ អ្នក​គាំទ្រ​មួយ​ចំនួន ​បាន​បញ្ចេញ​មតិ​ថា ពេល​វេលា​បាន​កន្លង​ផុត​ទៅ​យ៉ាង​លឿន ខណៈពេលនេះ​ដែល Harper ដែលជាកូនស្រីតូច​គួរ​ឱ្យ​ស្រឡាញ់​ ក្លាយ​ជា​នារី​ស្រស់​ស្អាត តែម្ដង៕

ប្រភព៖ Ngoisao.net

សូមទស្សនារូបភាពខាងក្រោម៖