ចាប់ផ្តើមល្អទៅៗហើយ! Mbappe យប់មិញបា_»ញ់មួយជើងពីលើដំបូលទូកលឿនដូចកាំជ្រួច ជួយឱ្យ R.Madrid លត់ Sevilla ៤-២(មានវីដេអូ)

បរទេស៖ នាយប់ថ្ងៃទី ២២ ខែ ធ្នូ ឆ្នាំ ២០២៤ ម្សិលមិញនេះ ក្រុមអធិរាជស Real Madrid បានបើកទ្វាកីឡដ្ឋាន Santiago Bernabeu របស់ខ្លួន ទទួលស្វាគមន៍ក្រុមភ្ញៀវ Sevilla នៅក្នុងការប្រកួតសប្តាហ៍ទី ១៨ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Sevilla ក្នុងលទ្ធផល ៤ ទល់នឹង ២។

ក្នុងនោះ ៤ គ្រាប់របស់ Real Madrid គឺរកបានដោយ Kylian Mbappe នៅនាទីទី ១០, Federico Valverde នៅនាទីទី ២០, Rodrygo នៅនាទីទី ៣៤ និងចុងក្រោយរកបានដោយ Brahim Diaz នៅនាទីទី ៥៣។ រីឯ ២ គ្រាប់របស់ Sevilla វិញ គឺរកបានដោយកីឡាករ Isaac Romero នៅនាទីទី ៣៥ និង Dodi Lukebakio នៅនាទីទី ៨៥។

គួរបញ្ជាក់ថា R.Madrid បច្ចុប្បន្នកំពុងឈរនៅលេខរៀងទី ២ ក្នុងតារាងចំណាត់ថ្នាក់ La Liga ក្រោយឆ្លងកាត់ ១៨ ប្រកួតកន្លងមក ពួកគេឈ្នះ ១២ ស្មើ ៤ និងចាញ់ ២ មាន ៤០ ពិន្ទុ ដោយឡែកក្រុម Sevilla វិញ កំពុងឈរនៅលេខរៀងទី ១៤ ក្រោយឆ្លងកាត់ ១៨ ប្រកួត ពួកគេឈ្នះ ៦ ស្មើ ៤ និងចាញ់ ៨ មាន ២២ ពិន្ទុក្នុងដៃ។

សូមទស្សនាវីដេអូខាងក្រោម៖