ចុមលេងបាត់! Suarez បានឱ្យកាដូមួយនេះទៅកីឡាករ At Madrid ក្រោយពួកគេផ្តួល Barcelona ២-១

បរទេស៖ យោងតាមការចុះផ្សាយដោយសារព័ត៌មានបរទេស ESPN បានឱ្យដឹងថា ខ្សែប្រយុទ្ធរបស់ Inter Miami កីឡាករ Luis Suarez បានឱ្យកាដូជាកញ្ចប់អាហារពីភោជនីយដ្ឋានរបស់ខ្លួន ដែលមានទីតាំងនៅប្រទេស អេស្ប៉ាញ ទៅកីឡាកររបស់ Atletico Madrid ម្នាក់ៗ បន្ទាប់ពីពួកគេបានយកឈ្នះទៅលើក្រុម Barcelona ក្នុងលទ្ធផល ២-១ កាលពីថ្ងៃ អាទិត្យ ម្សិលមិញ។

នេះអាចថាជារឿងដ៏គួរឱ្យភ្ញាក់ផ្អើលមួយដែរ ដែល Suarez បានឱ្យកាដូទៅកីឡាករ At Madrid បន្ទាប់ពីពួកគេបានយកឈ្នះលើ Barcelona។ ជាការពិត ដ្បិតខ្សែប្រយុទ្ធសញ្ជាតិ អ៊ុយរូហ្គាយ រូបនេះ ធ្លាប់លេងទាំងនៅ Barca និង At Madrid ក៏ពិតមែន ប៉ុន្តែក្លិបដែល Suarez ជោគជ័យ និងមានអនុស្សាវរីយ៍ច្រើនបំផុតគឺនៅ Barca ប៉ុន្តែបន្ទាប់ពី At Madrid ផ្តួលក្រុមអ្នកមានបុណ្យ រូបគេបែជាឱ្យកាដូទៅកីឡាករ At Madrid ដូចជាការអបអរទៅវិញ៕

ប្រភព៖ ESPN FC