តើត្រូវប.ណ្តា..សា ឬជាថ្ងៃស៊..យ? Haaland យប់មិញស៊ុតប៉េណាល់ទីក៏មិនចូល ដល់ពេលស៊ុតចូលបាល់ offside ទៀត(មានវីដេអូ)

បរទេស៖ ក្រុមមេឃខៀវ Manchester City កំពុងតែជួបបញ្ហាខ្លាំងជាមួយទម្រង់លេងក្រុមទាំងមូល ដោយ ១៣ ប្រកួតចុងក្រោយ ពួកគេទើបតែឈ្នះបាន ១ ប្រកួតប៉ុណ្ណោះ ខណៈយប់មិញនេះត្រូវនឹងថ្ងៃទី ២៧ ខែ ធ្នូ ពួកគេបានបន្តភាពមិនទាន់ទទួលបានជ័យជម្នះទៀត ដោយស្មើជាមួយក្រុមស្ករគ្រាប់ Everton ក្នុងលទ្ធផល ១-១។

យ៉ាងណាមិញ បើយើងក្រឡេកទៅមើលការប្រកួតយប់មិញ យើងឃើញថាក្រុមម្ចាស់ផ្ទះ Man City ក៏មានឱកាសច្រើនណាស់ដែរ ប៉ុន្តែពួកគេហាក់ដូចជាមិនសំណាងទាល់តែសោះ ដោយនៅនាទីទី ៥៣ ពួកគេទទួលបានឱកាសស៊ុតបាល់ប៉េណាល់ទីមួយ ប៉ុន្តែអ្វីៗបានត្រឹមជាការសោកស្តាយទៅវិញ ក្រោយខ្សែប្រយុទ្ធ Erling Haaland ស៊ុតមិនចូល ហើយនៅពេលស៊ុតចូល គ្រាប់នោះបែទៅជាគ្រាប់ Offside ថែមទៀត។

គួរបញ្ជាក់ថា Man City បច្ចុប្បន្នកំពុងឈរនៅលេខរៀងទី ៧ នៃតារាងចំណាត់ថ្នាក់ ក្រោយឆ្លងកាត់ ១៨ ប្រកួតកន្លងមក ពួកគេឈ្នះ ៨ ស្មើ ៤ និងចាញ់ ៦ មាន ២៨ ពិន្ទុ៕

សូមទស្សនាវីដេអូខាងក្រោម៖