សង់តង់គ្នាណាស់! Garnacho យប់មិញបញ្ជូនឱ្យ Amad Diallo ស៊ុតមួយគ្រាប់ល្អដូចផ្កា ជួយឱ្យ Man UTD តាមស្មើ Liverpool ២-២(មានវីដេអូ)

បរទេស៖ នាយប់ថ្ងៃទី ០៥ ខែ មករា ឆ្នាំ ២០២៥ ម្សិលមិញនេះ ក្រុម Liverpool បានបើកទ្វាកីឡដ្ឋាន Anfield របស់ខ្លួន ទទួលស្វាគមន៍ក្រុមភ្ញៀវ Manchester United នៅក្នុងការប្រកួតសប្តាហ៍ទី ២០ នៃក្របខណ្ឌ Premier League របស់ អង់គ្លេស។

ជាការពិតណាស់ នៅក្នុងការប្រកួតរវាងក្រុមខ្លាំងទាំងពីរ គឺពិតជាតានតឹងមែនទែន ដោយបញ្ចប់ការប្រកួត ៩០ នាទីពេញ ពួកគេបានត្រឹមចែកគ្នាម្នាក់មួយពិន្ទុប៉ុណ្ណោះ បន្ទាប់ពីស្មើគ្នា ២ ទល់នឹង ២។

ក្នុងនោះខាង ២ គ្រាប់របស់ Liverpool គឺរកបានដោយ​ Cody Gakpo នៅនាទីទី ៥៩ និង Mohamed Salah នៅនាទីទី ៧០ តាមរយៈបាល់ពិន័យ ១១ ម៉ែត្រ ចំណែក ២ គ្រាប់របស់ Man UTD វិញ គឺរកបានដោយ Lisandro Martinez នៅនាទីទី ៥២ និង Amad Diallo នៅនាទីទី ៨០។

គួរបញ្ជាក់ថា Liverpool បច្ចុប្បន្ននៅតែកាន់កាប់តំណែងកំពូលតារាងនៃក្របខណ្ឌ Premier League ដដែល ក្រោយឆ្លងកាត់ ១៩ ប្រកួតកន្លងមក ពួកគេឈ្នះ ១៤ ស្មើ ៤ និងចាញ់ ១ មាន ៤៦ ពិន្ទុ រីឯ Man UTD វិញ កំពុងឈរនៅលេខរៀងទី ១៣ ក្រោយឆ្លងកាត់ ២០ ប្រកួត ពួកគេឈ្នះ ៦ ស្មើ ៥ និងចាញ់ ៩ មាន ២៣ ពិន្ទុ។

សូមទស្សនាវីដេអូហាយឡាយខាងក្រោម៖