បរទេស៖ អតីតខ្សែបម្រើការពាររបស់ Manchester United លោក Roy Keane បានលើកឡើងថា ខ្សែការពារស្លាបស្តាំរបស់ Liverpool កីឡាករ Trent Alexander-Arnold គួរតែទៅលេងនៅក្លិប Tranmere Rovers នៃលីគទី ៤ របស់អង់គ្លេស បន្ទាប់ពីការប្រកួតទល់នឹង Manchester United កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងការប្រកួតសប្តាហ៍ទី ២០ នៃក្របខណ្ឌ Premier League កាលពីយប់មិញនេះ ក្រុមហង្សក្រហម Liverpool បានបញ្ចប់ការប្រកួតដោយលទ្ធផលស្មើគ្នា ២ ទល់នឹង ២ ទល់នឹងក្រុម Manchester United នៅទឹកដី Anfield។
យ៉ាងណាមិញ បន្ទាប់ការប្រកួតដ៏សំខាន់មួយនេះបានបញ្ចប់ មានអ្នកគាំទ្រជាច្រើនបានដាក់បន្ទុកធ្ងន់ជាងគេទៅលើ Arnold ជុំវិញការរបូតគ្រាប់បាល់ ២ គ្រាប់របស់ Liverpool ដោយសារតែគ្រាប់បាល់ភាគច្រើនសុទ្ធតែកើតចេញពីតំបន់ស្លាបខាងស្តាំ ដែលជាតំបន់របស់គេកាន់កាប់។
ជាមួយគ្នានេះ លោក Roy Keane ដែលបច្ចុប្បន្នជាអ្នកវិភាគកីឡាមួយរូបក៏បានចូលរួមបញ្ចេញមតិលើរឿងនេះផងដែរ ហើយលោកបានលើកឡើងចំៗយ៉ាងដូច្នេះថា៖
ពួកយើងចង់និយាយពីរបៀបដែល Trent គេឡើងទៅប្រយុទ្ធគឺពិតជាអស្ចារ្យណាស់។ ចំណែកការការពាររបស់ Trent នៅថ្ងៃនេះវិញ...។ វាដូចជាកម្រិតសិស្សសាលាអ៊ីចឹង។ មានការជជែកអំពីគាត់ ថានឹងផ្លាស់ទៅ Real Madrid។ របៀបដែលគាត់ការពារ គាត់សមនឹងទៅលេងនៅក្លិប Tranmere Rovers វិញ បន្ទាប់ពីការប្រកួតនេះ។ គាត់នឹងធ្វើបានល្អជាងនេះ៕
ប្រភព៖ Sportbible
Bong I.T