តុបតែងបែបនេះ Angelina Jolie បង្ហាញភាពស្រស់ស្អាត ចូលរួមកម្មវិធីមួយនេះ ជាមួយ កូនស្រី

កម្សាន្ត៖ តារាសម្ដែងស្រី Angelina Jolie បានបង្ហាញខ្លួនយ៉ាងទាក់ទាញ នៅលើកម្រាលព្រំក្រហមនៃ កម្មវិធី Golden Globes ឆ្នាំ ២០២៥ ជាមួយនឹងកូនស្រីចិញ្ចឹមរបស់នាង Zahara កាលពីល្ងាចថ្ងៃទី ៥ ខែមករា កន្លងទៅនេះ។

តារាស្រីវ័យ ៤៩ ឆ្នាំរូបនេះ បានស្លៀករ៉ូបពណ៌ប្រាក់ គួបផ្សំជាមួយនឹងក្រវិលដែលត្រូវគ្នា ដើម្បីបញ្ជាក់ពីសម្រស់ដ៏ឆើតឆាយ និងទាន់សម័យរបស់នាង។ Angelina តុបតែងមុខបែបស្រាលៗ និង​លេងស្ទាយ៍សក់​ខ្ពស់​ ដើម្បី​បង្កើត​ស្ទីល​ថ្មី។ ចំណែកឯ កូនស្រីវ័យ ១៩ ឆ្នាំរបស់នាង បានស្លៀករ៉ូបពណ៌ស ជាមួយនឹងផ្កាប៉ាក់ដ៏ប្រណិត។

កាលពីថ្មីៗកន្លងមកនេះ Angelina Jolie ក៏ត្រូវបានគេចាប់អារម្មណ៍ជាមួយនឹងរូបរាងថ្មី និងភាពស្រស់ស្អាតរបស់នាង នៅក្នុងពិធីប្រគល់ពានរង្វាន់ បន្ទាប់ពី បញ្ចប់ការលែងលះរយៈពេល ៨ ឆ្នាំរបស់ខ្លួន ជាមួយនឹងអតីតស្វាមី លោក Brad Pitt ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖