តារាប្រុសចិនដែលបា»-ត់ខ្លួននៅថៃ បានរកឃើញវិញហើយ ក្នុងសភាពបែបនេះ បន្ទាប់ពីត្រូវបានគេ...

មីយ៉ាន់ម៉ា៖ តារាសម្ដែងប្រុសជនជាតិចិនឈ្មោះ Wang Xing ឬ Xing Xing ត្រូវបានជួយសង្គ្រោះនិងរកឃើញវិញហើយ ក្រោយពីបាត់ខ្សែរយៈទាក់ទងជាមួយនឹងមិត្តស្រីរបស់គេកាលពីថ្ងៃទី៣ខែមករាឆ្នាំ២០២៥។

តារាសម្ដែងប្រុសរូបនេះត្រូវបានមិត្តស្រីរបស់គេ ប្រកាសស្វែងរកបន្ទាប់ពីបាត់ខ្សែរយៈទាក់ទង ដោយមុនដំបូងនាងបានទម្លាយថា តារាប្រុសនេះទទួលបានសំំណើទៅថតរឿងនៅក្នុងប្រទេសថៃ ទើបគេបានធ្វើដំណើរទៅទីនោះ។ មុនដំបូង Wang Xing ទាក់ទងមកមិត្តស្រីជាធម្មតា ប៉ុន្តែពេលមកដល់ព្រំដែនរវាងប្រទេសថៃ-មីយ៉ាន់ម៉ា រូបគេបានបាត់ខ្សែរយៈតែម្ដង។ ភ្លាមៗក្រោយពីនាងបានប្ដឹងទៅប៉ូលិស ខាងអាជ្ញាធររបស់ថៃបានប្រកាសថា Wang Xing ពិតជាបាត់ខ្លួនពិតមែន។

ឥឡូវនេះ ស្ថានទូតចិនប្រចាំនៅប្រទេសថៃបានចេញសេចក្ដីថ្លៃងការណ៍មួយថា Wang Xing ត្រូវបានជួយសង្គ្រោះកាលពីម៉ោង៧ល្ងាច នាថ្ងៃទី៧ខែមករា នៅឯប្រទេសមីយ៉ាន់ម៉ា ដោយសង្ស័យថាជារូបគេចាញ់បោកមនុស្សអាក្រក់ និងក្លាយជាជនរងគ្រោះនៃអំពើជួញដូរមនុស្ស ប៉ុន្តែអាជ្ញាធរថៃថា គេពុំបានត្រូវរបួសឬត្រូវហិង្សាត្រង់ណានោះឡើយ៕

ប្រភព៖ indianexpress