បរទេស៖ ខ្សែប្រយុទ្ធឆ្នើមរបស់ Al-Ittihad កីឡាករ Karim Benzema បានផ្តល់ចម្លើយទៅវិញយ៉ាងភ្ញាក់ផ្អើល ក្នុងគោលបំណងថាគាត់ គឺចង់ត្រឡប់ទៅកាន់ក្លិប Real Madrid ដែលជាអតីតក្លិបរបស់គាត់វិញ បន្ទាប់ពីមានគេសួរថា តើគាត់អាចត្រឡប់ទៅលេងនៅរាជធានា អេស្ប៉ាញ មុនពេលចូលនិវត្តន៍ដែរឬទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Benzema ត្រូវបានគេរាប់ថា ជាវីរបុរសមួយរូបរបស់ក្រុមអធិរាជស Real Madrid បន្ទាប់ពីគាត់បានចំណាយពេលលេងនៅទីនោះអស់រយៈពេល ១៤ ឆ្នាំ ពោលគឺពី ២០០៩ ដល់ ២០២៣ មុនពេលផ្លាស់ទៅកាន់ អារ៉ាប៊ីសាអ៊ូឌីត ដោយគាត់បានរួមចណែកជួយឱ្យក្រុមអធិរាជសឈ្នះពាន Champions League ៥ ដង, UEFA Super Cup ៤ ដង, La Liga ៤ ដង, FIFA Club World Cup ៥ ដង និងពានរង្វាន់មួយចំនួនទៀត។
យ៉ាងណាមិញ ថ្មីៗនេះ Benzema ត្រូវបានគេសួរថា តើគាត់អាចត្រឡប់មក Real Madrid ម្តងទៀតទេ មុនពេលចូលនិវត្តន៍? ភ្លាមនោះខ្សែប្រយុទ្ធសញ្ជាតិ បារាំង វ័យ ៣៧ ឆ្នាំបានឆ្លើយតបទៅវិញថា៖
ត្រឡប់ទៅ Real Madrid វិញ? បាទ ពិតណាស់ ហេតុអ្វីមិនអាច? បច្ចុប្បន្ន ខ្ញុំនៅ Jeddah ហើយខ្ញុំគឺល្អប្រសើរខ្លាំងណាស់។ ពេលវេលានឹងមកដល់ ដើម្បីមើលថា តើអនាគតរបស់ខ្ញុំនឹងទៅជាយ៉ាងណា ប៉ុន្តែខ្ញុំប្រាកដថា ខ្ញុំនឹងអាចត្រឡប់ទៅ Real Madrid វិញ៕
ប្រភព៖ Fabrizio Romano
Bong I.T