គិតចឹងអត់? លោក Pep អះអាងថា Haaland មានចំណុចពិសេសមួយនេះ ស្រដៀងគ្នានឹង Messi និង Ronaldo

បរទេស៖ អ្នកចាត់ការរបស់ក្រុមមេឃខៀវ Manchester City លោក Pep Guardiola បានមានប្រសាសន៍ថា កូនក្រុមរបស់ខ្លួនកីឡាករ Erling Haaland មានចំណុចមួយ ដែលស្រដៀងគ្នានឹងកំពូលខ្សែប្រយុទ្ធ Lionel Messi និង Cristiano Ronaldo គឺសមត្ថភាពក្នុងការស៊ុតបញ្ចូលទី។

ជាការពិតណាស់ បើយើងនិយាយពីពិភពបាល់ទាត់នៅក្នុងសតវត្សទី ២១ នេះ នរណាៗក៏នឹកឃើញមុនគេដែរ ដល់ Leo Messi និង Cristiano Ronaldo ថាជាកីឡាករ ដែលមានសមត្ថភាពដាច់គេក្នុងការញាក់បាល់ បញ្ចូន assist ជាពិសេសគឺការស៊ុតបញ្ចូលទី ប៉ុន្តែបើយើងនិយាយអំពីបាល់ទាត់បច្ចុប្បន្នវិញ នរណាៗក៏ទទួលស្គាល់ដែរ ថា Haaland គឺជាកីឡាករជំនាន់ក្រោយ ដែលមានភាពប៉ុនប្រសព្វម្នាក់ក្នុងការរកគ្រាប់បាល់។

ជាក់ស្តែងកាលពីរដូវកាល ២០២២-២០២៣ ខ្សែប្រយុទ្ធសញ្ជាតិ ន័រវែស វ័យ ២៤ ឆ្នាំរូបនេះ បានឈ្នះស្បែកជើងមាសប្រចាំតំបន់ អឺរ៉ុប បន្ទាប់ពីរកបាន ៥២ គ្រាប់ឱ្យ Man City គ្រប់កម្មវិធី ដោយឡែកកាលពីរដវកាល ២០២៣-២០២៤ វិញ រូបគេបានឈ្នះស្បែកជើងមាសប្រចាំក្របខណ្ឌ Premier League បន្ទាប់ពីរកបាន ២៧ គ្រាប់។

ទាក់ទងនឹងរឿងខាងលើ លោក Pep បានធ្វើការប្រៀបធៀប Haaland ទៅនឹង Leo Messi និង Ronaldo យ៉ាងដូច្នេះថា៖

ប្រភព៖ Fabrizio Romano