អ៊េមណាស់! Bruno ស៊ុតមួយគ្រាប់ចុងម៉ោងយប់មិញល្អដូចផ្កា ជួយឱ្យ Man UTD ឈ្នះ Rangers នៅ UEL ២-១(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២៤ ខែ មករា ឆ្នាំ ២០២៤ នេះ ក្រុមបិសាចក្រហម Manchester United បានបើកទ្វាកីឡដ្ឋាន Old Trafford របស់ខ្លួន ទទួលស្វាគមន៍ក្រុមភ្ញៀវ Rangers នៅក្នុងការប្រកួតពានរង្វាន់ Europa League។

ជាការពិតណាស់ នៅក្នុងការប្រកួតរវាងក្រុមទាំង ២ គឺពិតជាតានតឹងមែនទែន ប៉ុន្តែចុងក្រោយខាងក្រុមម្ចាស់ផ្ទះ Man UTD ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Rangers ក្នុងលទ្ធផល ២ ទល់នឹង ១។

ក្នុងនោះ ២ គ្រាប់ដំបូងរបស់ Man UTD គឺកើតឡើងតាមរយៈការធ្វើឱ្យចូលទីខ្លួនឯងដោយកីឡាករ Jack Butland របស់ Rangers នៅនាទីទី ៥២ និងមួយគ្រាប់ទៀត គឺរកបានដោយ Bruno Fernandes នៅនាទីទី ៩០+២។ ចំណែក ១ គ្រាប់របស់ Rangers វិញ គឺរកបានដោយកីឡាករ Cyriel Dessers នៅនាទីទី ៨៨។

គួរបញ្ជាក់ថា Man UTD បច្ចុប្បន្នកំពុងឈរនៅលេខរៀងទី ៤ នៃតារាងចំណាត់ថ្នាក់ UEL ក្រោយឆ្លងកាត់ ៧ ប្រកួតកន្លងមក ពួកគេឈ្នះ ៤ និងស្មើ ៣ មាន ១៥ ពិន្ទុ រីឯក្រុម Rangers វិញ កំពុងឈរនៅលេខរៀងទី ១៣ ក្រោយឆ្លងកាត់ ៧ ប្រកួត ពួកគេឈ្នះ ៣ ស្មើ ២ និងចាញ់ ២ មាន ១១ ពិន្ទុ។

សូមទស្សនាវីដេអូហាយឡាយខាងក្រោម៖