Eun Woo សង្ហាដូចទេវបុត្រដើរដី ក្នុងរូបភាពថ្មីទាំងនេះ

កម្សាន្ត៖ Cha Eunwoo មិនត្រឹមតែជាតារាចម្រៀងសមាជិកក្រុម ASTRO ទេតែគេក៏ជាតារាសម្ដែងជួរមុខម្នាក់ក្នុងប្រទេសកូរ៉េខាងត្បូងផងដែរ ស្ដែងឲ្យដឹងថាគេជាបុរសដ៏មានទេពកោសល្យតែក្រៅពីនោះ Eunwoo ក៏មានសម្រស់ដ៏ស្រស់សង្ហាផងដែរ។

ថ្មីៗនេះ ទស្សនាវដ្ដី ELLE Korea ទើបតែបានបញ្ចេញរូបភាពថ្មីរបស់ Eunwoo សម្រាប់ចេញផ្សាយនាខែកុម្ភៈឆ្នាំ២០២៥ នេះដែលសុទ្ធសឹងជារូបភាពបង្ហាញភាពស្រស់សង្ហារបស់លោកជាមួយនឹងម៉ាកយីហោ Saint Laurent ។

នៅក្នុងបណ្ដំរូបភាពទាំងនេះ Eunwoo សុទ្ធតែពាក់ឈុតអាវធំពណ៌ខុសៗគ្នា ក្នុងកាយវិការផ្សេងៗពីគ្នា ប៉ុន្តែភាពសង្ហារបស់គេនៅតែជះរស្មីចែងចាំង មើលទៅដូចជាទេវបុត្រធ្វើឲ្យអ្នកគាំទ្រចំហមាត់សរសើរថា មិនថាស្លៀកពាក់អី Eunwoo នៅតែសង្ហាជានិច្ច៕

ប្រភព៖ allkpop