បរទេស៖ វីរបុរសរបស់ Real Madrid កីឡាករ Cristiano Ronaldo បានប្រាប់ទៅអ្នកគាំទ្ររបស់ក្រុមអធិរាជសឱ្យមើលថែ Kylian Mbappe ឱ្យបានល្អ ព្រោះនាពេលអនាគតគេនឹងក្លាយជាកីឡាករដ៏អស្ចារ្យ និងក្លាយជាកីឡាករម្នាក់ ដែលជួយឱ្យអ្នកគាំទ្រមានភាពរីករាយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Mbappe បានមកចូលរួមជាមួយ Real Madrid ដោយគ្មានតម្លៃខ្លួនកាលពីរដូវក្តៅមុន បន្ទាប់ពីកុងត្រារបស់គេជាមួយក្រុម Paris Saint-Germain ផុតសុពលភាព ប៉ុន្តែក្នុងរដូវកាលដំបូងនៅទឹកដី Santiago Bernabeu អ្វីៗហាក់ពុំទាន់ល្អឥតខ្ចោះដូចអ្វីដែលអ្នកគាំទ្ររំពឹងទុកឡើយ ដូច្នេះហើយទើប Ronaldo ទទូចឱ្យអ្នកគាំទ្រត្រូវតែអត់ធ្មត់ ហើយព្យាយាមមើលថែខ្សែប្រយុទ្ធសញ្ជាតិ បារាំង វ័យ ២៥ ឆ្នាំរូបនេះឱ្យបានល្អ។
ថ្លែងនៅក្នុងកិច្ចសម្ភាសន៍មួយកាលពីពេលថ្មីៗនេះ Ronaldo បាននិយាយយ៉ាងដូច្នេះថា៖
អ្នកគាំទ្រ Real Madrid ត្រូវតែមើលថែក្មេងប្រុសម្នាក់នេះ។ គាត់គឺល្អខ្លាំងណាស់ ហើយអនាគតគេនឹងក្លាយជាកីឡាករដ៏អស្ចារ្យម្នាក់។ Real Madrid ត្រូវតែជួយ និងការពារគាត់ ហើយវាគឺគ្មានការសង្ស័យទេ ថាគាត់នឹងនាំនូវភាពរីករាយជូនអ្នកគាំទ្រវិញ៕
ប្រភព៖ Sportskeeda
Bong I.T