ក្តៅៗ! កីឡាកររូបនេះ បានសម្រេចចិត្តចាកចេញពី Man UTD ហើយ

អឺរ៉ុប៖ ខ្សែការពារស្លាបឆ្វេង កីឡាករ Tyrell Malacia បានសម្រេចចិត្តចាកចេញពី Manchester United ហើយ ដើម្បីផ្លាស់ទៅកាន់ PSV Eindhoven ក្នុងលក្ខខណ្ឌខ្ចីជើងរហូតដល់ចប់រដូវកាល។

ជាការពិតណាស់ សម្រាប់លក្ខខណ្ឌនៃការខ្ចីជើងរបស់ Malacia គឺ នឹងមានសុពលភាពរហូតដល់ចប់រដូវកាល ជាមួយជម្រើសទិញផ្តាច់ក្នុងតម្លៃ ១០លានអឺរ៉ូ ខណៈ Man UTD ក៏នឹងទទួលបាន ៣០ភាគរយ ប្រសិនបើថ្ងៃអនាគត PSV ធ្វើការលក់កីឡាករសញ្ជាតិហូល្លង់ខាងលើបន្ត។

គួរបញ្ជាក់ផងដែរថា Malacia បានចូលរួមជាមួយក្រុមបិសាចក្រហម កាលពីឆ្នាំ ២០២២ ពី Feyenoord ក្នុងនោះ គេបង្ហាញខ្លួនសរុបបាន ៣៩ប្រកួត ប៉ុន្តែ​ មួយរយៈចុងក្រោយនេះ គេមិនបានបង្ហាញខ្លួនសោះឡើយដោយសារបញ្ហារបួសញាំញី៕