លើកសក់បួងអ៊ីចឹង Jisoo ស្អាតប្លែ»-កចែងចាំងដូចព្រះនាង ទន់ភ្លន់

កម្សាន្ត៖ Jisoo ដែលជាសមាជិកក្រុមចម្រៀងនារី BLACKPINK នៅតែបន្តទទួលបានការគាំទ្រយ៉ាងគគ្រឹកគគ្រេងពីសំណាក់អ្នកគាំទ្រ បើទោះបីជានាងបានចាកចេញពីផលិតកម្ម YG ហើយក្ដី។ បច្ចុប្បន្ននាងបានបើកផលិតកម្មផ្ទាល់ខ្លួនមួយឈ្មោះថា BLISSOO និងបានបញ្ចេញអាល់ប៊ុមចម្រៀងថ្មីទោលឈ្មោះថា "AMORTAGE" ទៀតផង។

ស្របពេលការបញ្ចេញអាល់ប៊ុមថ្មីរបស់នាងនាថ្ងៃទី១៤ខែកុម្ភៈនេះ Jisoo ក៏បានបង្ហាញវត្តមានក្នុងកម្មវិធីជំនួបជាមួយអ្នកគាំទ្រ ហើយសម្រស់របស់នាងត្រូវបានគេលើកយកមកជជែកវែកញែកជាខ្លាំងដោយសារតែការតុបតែងខ្លួនដ៏ស្រស់ស្អាតនិងថ្លៃថ្នូរ បែបព្រះនាងរបស់នាង។

ក្នុងនោះ Jisoo បានស្លៀករ៉ូបពណ៌ខ្មៅមានបូពណ៌សចងមួយកញ្ចុំដូចផ្កាកុលាបដេរភ្ជាប់នៅពីមុខអាវ ដោយជារ៉ូបសំយេះស្មា ហើយអ្វីដែលប្លែកនោះគឺ នាងបានលើកសក់បួងឡើងកៀប​​​ដោយបូសក់​​​ផ្កាឈូក និងផាត់មុខបែបពណ៌ផ្កាឈូកស្រាលស្រទន់ ជាមួយនឹងក្រវិលកងតូច មើលទៅពិតជាស្រស់ស្អាតនិងជះចំហាយអភិជន សមនឹង Vibe របស់នាងពិតមែន៕  

ប្រភព៖ allkpop