បរទេស៖ អ្នកចាត់ការទូទៅរបស់ Manchester City លោក Pep Guardiola បានមានប្រសាសន៍ដោយក្តីអស់សង្ឃឹមជាខ្លាំង មុនជួបក្រុមអធិរាជស Real Madrid ជើងទី ២ នៅទឹកដី Santiago Bernabeu ក្នុងការប្រកួត playoff ដើម្បីដណ្តើមកៅអីឡើងទៅវគ្គ ១៦ ក្រុមនៃពាន Champions League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Man City បច្ចុប្បន្នហាក់នៅសល់សង្ឃឹមមិនច្រើនទេ ក្នុងការឡើងទៅកាន់វគ្គ ១៦ ក្រុមចុងក្រោយនៃពាន UCL បន្ទាប់ពីការប្រកួត playoff ជើងទី ១ កន្លងទៅ ពួកគេបានបរាជ័យក្រោមថ្វីជើងក្រុម Real Madrid នៅទឹកដី Etihad របស់ខ្លួនឯងក្នុងលទ្ធផល ៣ ទល់នឹង ២។
ដោយឡែកការប្រកួតថ្ងៃ ពុធ ស្អែកនេះ ពួកគេនឹងត្រូវជួប Real Madrid ជើងទី ២ នៅក្រៅដីក្នុងកីឡដ្ឋាន Santiago Bernabeu វិញម្តង ដូច្នេះហើយទើបលោក Pep ហាក់មិនមានសង្ឃឹមទាល់តែសោះ ដើម្បីវាយបកយកឈ្នះលើក្រុមម្ចាស់ UCL ១៥ សម័យវិញ ប៉ុន្តែទោះបីជាយ៉ាងណាក៏ដោយ ក្រុមលោក Pep នៅតែមានក្តីសង្ឃឹម ដរាបណាបើពួកគេអាចយកឈ្នះក្រុមអធិរាជសក្នុងលទ្ធផលចាប់ពី ២-០ ឡើងទៅ។
ថ្លែងនៅក្នុងកិច្ចសម្ភាសន៍មួយមុនការប្រកួត លោក Pep បានមានប្រសាសន៍យ៉ាងដូច្នេះថា៖
ភាគរយដើម្បីឈ្នះនៅ Bernabeu ក្នុងកាលៈទេសៈដែលយើងបានចាញ់ ៣-២ ទៅហើយ។ អ្នកទាំងអស់គ្នាបានដឹងហើយ ប្រសិនបើអ្នកសួរមុនការប្រកួត អំពីភាគរយដែលអាចឡើងទៅវគ្គបន្ត។ ខ្ញុំមិនដឹងទេ ពួកយើងមកដល់ Bernabeu ក្នុងក្តីសង្ឃឹមតែ ១% ប៉ុណ្ណោះ ខ្ញុំមិនដឹងយ៉ាងម៉េចទេ៕
ប្រភព៖ as
Bong I.T