Kylie និង គូស្នេហ៍ ចូលរួមកម្មវិធីមួយនេះ ជាមួយគ្នា យ៉ាងផ្អែមល្ហែម

កម្សាន្ត៖ Kylie Jenner និងគូស្នេហ៍ ដែលជាតារាសម្តែង លោក Timothée Chalamet បានទាញយកចំណាប់អារម្មណ៍ ដោយបានបង្ហាញភាពស្និទ្ធស្នាលជាមួយគ្នា ក្នុងពិធីប្រគល់ពានរង្វាន់ BAFTA នៅទីក្រុងឡុងដ៍ កាលពីល្ងាចថ្ងៃទី ១៦ ខែកុម្ភៈ។

តារាស្រី Kylie Jenner បានមកគាំទ្រមិត្តប្រុសរបស់នាង នៅឯពិធីប្រគល់ពានរង្វាន់ភាពយន្តដ៏ល្បីល្បាញបំផុតរបស់ចក្រភពអង់គ្លេស ដែល Timothée Chalamet ត្រូវបានតែងតាំងសម្រាប់ «តារាសម្តែងល្អបំផុត» សម្រាប់តួនាទីរបស់លោក នៅក្នុងខ្សែភាពយន្ត «A Complete Unknown» ។

មិនត្រឹមតែប៉ុណ្ណោះ អ្នកទាំងពីរ បានអង្គុយ​ក្បែរ​គ្នា​ មើល​ពិធី​ប្រគល់​រង្វាន់ និងបាន​ចាប់​ដៃ​គ្នា​យ៉ាង​ស្និទ្ធស្នាល។ ជាពិសេស Kylie ក៏បាន​បង្ហាញ​ខ្លួន​យ៉ាង​ទាក់ទាញ​ក្នុង​រ៉ូបពណ៌​ខ្មៅ​ ដែល​មាន​ក​ជ្រៅ និង​បើក​ខ្នង ព្រមជាមួយនឹងស្បែកជើងកែងជើងខ្ពស់ពណ៌ប្រាក់ ខណៈដែល Timothée Chalamet ពាក់​ឈុត​ខ្មៅ​ ជាមួយ​នឹង​អាវយឺត​ពណ៌​ខ្មៅ​ខាងក្នុង៕

ប្រភព៖ Ngoisao.net

សូមទស្សនារូបភាពខាងក្រោម៖