Selena និង គូស្នេហ៍ ទិញផ្ទះថ្មី ជាមួយគ្នា ហ្វេនៗចាប់អារម្មណ៍ គ្រប់គ្នា

កម្សាន្ត៖ តារា​ចម្រៀងស្រី Selena Gomez និងគូស្នេហ៍ ដែលជា​តន្ត្រីករ លោក Benny Blanco ត្រូវបានគេរាយការណ៍ថា អ្នកទាំងពីរទើប​តែ​ទិញ​ផ្ទះ​ដ៏​ថ្លៃ​មួយ​នៅ Beverly Hills, Los Angeles។

យោងតាមប្រភព TMZ បានរាយការណ៍ថា គូស្នេហ៍មួយគូនេះ បានទិញផ្ទះជាមួយគ្នា កាលពីខែធ្នូឆ្នាំមុន ដែលជាខែតែមួយ ដែលពួកគេបានប្រកាសពីការភ្ជាប់ពាក្យរបស់ខ្លួន។ ផ្ទះដែលទិញនេះ ត្រូវបានគេដឹងថា មានតម្លៃ ៣៥ លានដុល្លារ ដែលជាការទិញដ៏ថ្លៃបំផុតនៅក្នុងតំបន់នេះ ក្នុងឆ្នាំ ២០២៤ ។

មិនត្រឹមតែប៉ុណ្ណោះ វីឡានេះ ត្រូវបានសាងសង់តាមបែបអេស្ប៉ាញ ដែលមានបន្ទប់គេង ៧ បន្ទប់ទឹក ១២ មានបណ្ណាល័យ ផ្ទះកញ្ចក់ កន្លែងហាត់ប្រាណ អាងហែលទឹក ។ គួររំឮកផងដែរថា Selena មានទំនាក់ទំនងស្នេហាជាមួយ Benny Blanco តាំងពីរដូវក្តៅឆ្នាំ ២០២៣ បន្ទាប់ពីរាប់អានគ្នាជាមិត្តភ័ក្តិ និងសហការគ្នាជាច្រើនឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖