Wow! ស្ងាត់ៗ Vinicius ក្លាយជាម្ចាស់ភាគហ៊ុធំរបស់ក្លិបមួយនេះហើយនៅឯប្រទេសព័រទុយហ្គាល់

អឺរ៉ុប៖ ខ្សែប្រយុទ្ធក្លិប Real Madrid កីឡាករ Vinicius Junior ត្រូវបានគេរាយការណ៍ថា បានយល់ព្រមទិញយកក្លិប FC Alverca នៃលីគទី២ ប្រទេសព័រទុយហ្គាល់ ក្នុងនាមជា សហម្ចាស់ក្លិប។

ជាការពិតណាស់ បើយោងទៅតាមការចុះផ្សាយរបស់លោក Fabrizio Romano គឺ Vinicius និង ដៃគូការងាររបស់គាត់ បានដាក់ការវិនិយោគទុនចំនួន ៨លានអឺរ៉ូ ក្នុងការកាន់ក្លិបនេះដែលស្មើនឹង ៧០-៨០ភាគរយ នៃការកាន់កាប់ក្លិប។

គួរបញ្ជាក់ផងដែរថា FC Alverca ដែលបច្ចបប្បន្នកំពុងស្ថិតនៅលីគទី២ នៃប្រទេសព័រទុយហ្គាល់ កំពុងតែធ្វើបានល្អមែនទែនក្នុងការប្រកួតប្រជែង ដោយពួកគេកំពុងឈរនៅក្នុងចំណាត់ថ្នាក់លេខ២ នៃតារាងលីគ ព្រមទាំងអាចនឹងមានលទ្ធភាពឡើងមកកាន់លីគកំពូលព័រទុយហ្គាល់ផងដែរនារដូវកាលក្រោយ៕

ប្រភព៖ Fabrizio Romano