បរទេស៖ អតីតខ្សែប្រយុទ្ធក្រុមជម្រើសជាតិប្រេសុីល លោក Ronaldo Nazario បានចេញមកបដិសេធចំពោះការលើកឡើងរបស់ Cristiano Ronaldo ដែលបានលើកឡើងថា ខ្លួនជាកីឡាករល្អបំផុតក្នុងប្រវត្តិសាស្រ្តបាល់ទាត់ គឺ ល្អជាង Lionel Messi, Pele និង Diego Maradona ទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Ronaldo ត្រូវបានគេចាត់ទុកជាកីឡាករល្អជាងគេម្នាក់នៅលើលោក ដោយ បច្ចប្បន្នរូបគេរកបានគ្រាប់បាល់សរុប ៩២៥គ្រាប់ហើយ ខណៈ ក្នុងវ័យ៤០ឆ្នាំ រូបគេនៅតែអាចស៊ុតផ្អើលទឹកដីអារ៉ាប៊ីសាអូឌីតជាមួយក្លិបអាជីព Al-Nassr។
យ៉ាងណាមិញ ជុំវិញការលើកឡើងថាខ្លួនជាកីឡាករល្អជាងគេក្នុងប្រវត្តិសាស្រ្តបាល់ទាត់ លោក Ronaldo ប្រេសុីលបាននិយាយពី CR7 យ៉ាងដូច្នេះថា៖
Ronaldo បានធ្វើរឿងដ៏អស្ចារ្យ និង ស៊ុតបញ្ចូលទីគ្រាប់បាល់ដ៏ល្អ ក្នុងនាមជា ខ្សែប្រយុទ្ធស្លាបផង និង ខ្សែប្រយុទ្ធកណ្តាលផង។ គាត់ជាកីឡាករដែលល្អជាងគេម្នាក់ក្នុងប្រវត្តិសាស្រ្តបាល់ទាត់ ប៉ុន្តែ បើល្អដាច់ជាងគេហ្មង គឺ អត់ទេ ខ្ញុំមិនយល់ស្របទេ។ ខ្ញុំអាចចាត់ទុកគាត់ជាកីឡាករក្នុងកំពូលទាំង ១០នាក់៕
ប្រភព៖ Sportskeeda
Bong I.T