អាយុចូល៤៣ហើយ តែមកមើលសម្រស់ ឆូ សុងអ៊ី ឡើងក្មេ»-ង ស្មានខ្ទង់ម្ភៃ

កម្សាន្ត៖ ប្រិយមិត្តអ្នកចូលចិត្តតាមដានវិស័យរឿងភាគរបស់កូរ៉េខាងត្បូង ប្រាកដជាស្គាល់តារាស្រី Jun Ji Hyun ឬ យើងស្គាល់នាងក្នុងនាមជាតួអង្គ "ឆូ សុងអ៊ី" ក្នុងរឿង "សង្សារខ្ញុំមនុស្សភពផ្កាយ" ដែលនាងពូកែសម្ដែងទឹកមុខបែបក្រមិចក្រមើម គួរឲ្យស្រលាញ់និងឆ្នាសឆ្នើមខ្លាំងណាស់។

នាឆ្នាំនេះ នាងមានអាយុ៤៣ឆ្នាំហើយនិងថែមទាំងរៀបការមានស្វាមី និងមានចំណងដៃកូនពីរនាក់ទៀតផង ប៉ុន្តែបើក្រឡេកមកមើលសម្រស់តារាស្រីកូន២រូបនេះវិញ ឃើញថានៅតែក្មេងជាងវ័យ ជាពិសេសរូបថតនាពេលថ្មីៗរបស់នាង ពេលបង្ហាញខ្លួននៅព្រលានយន្តហោះអន្តរជាតិ Incheon ដើម្បីធ្វើដំណើរទៅប្រទេសបារាំង ចូលរួមកម្មវិធីដើរម៉ូត Paris Fashion Week ។

ក្នុងនោះនាងបានពាក់អាវចាក់ពណ៌សដៃវែង ឆ្នូតខ្មៅ និងខោជើងរលុងធំៗពណ៌ខ្មៅ ជាមួយនឹងអាវរងាក្រៅម៉ាក Louis Vuitton ដែលក្នុងនោះនាងក៏បានពាក់មួកចាក់និងវ៉ែនតា LV ផងដែរ។ ទោះមិនបានឃើញផ្ទៃមុខពេញរបស់នាងច្បាស់ៗក្ដីតែអ្នកគាំទ្រនៅតែកោតសរសើរថា នាងពិតជាស្រស់ស្អាតមើលទៅច្រឡំនារីខ្ទង់ម្ភៃ ព្រោះស្បែកគ្មានស្នាមជ្រួញសូម្បីបន្តិច៕  

ប្រភព៖ allkpop