ហ្វេនបារម្ភពីស្ថានភាព Park Bom ក្រោយនាងបង្ហោះរូបភាពក្នុងទម្រង់មុខបែបនេះ

កម្សាន្ត៖ អ្នកគាំទ្រមានការព្រួយបារម្ភជាខ្លាំង ចំពោះស្ថានភាពរបស់តារាស្រី Park Bom ជាសមាជិកក្រុម 2NE1 បន្ទាប់ពីនាងបានបង្ហោះរូបភាព Selfie មួយចុងក្រោយគេ ក្នុងសភាពមានឈាមកកនៅក្នុងភ្នែកម្ខាងរបស់នាង។

កាលពីចុងឆ្នាំ២០២៤ Park Bom បានចូលរួមការប្រគុំតន្ត្រី 2NE1 គឺ "Welcome Back" Tour ជាមួយសមាជិកដទៃប៉ុន្តែអាកប្បកិរិយាខ្លះរបស់នាងនៅលើឆាក ធ្វើឲ្យអ្នកគាំទ្រមានការព្រួយបារម្ភដោយសារនាង តែងតែមើលទៅភ្លឹកៗនិងគ្មានថាមពលក្នុងការរាំច្រៀង ដូចជាមនុស្សមានបញ្ហាសុខភាបខ្លាំង។

ដូច្នេះហើយ ក្រោយការបង្ហោះរូបភាពបែបនេះរបស់នាងរួចមក អ្នកគាំទ្រមានការព្រួយបារម្ភថានាងអាចមានបញ្ហាផ្លូវចិត្ត ធ្វើបាបខ្លួនឯង ឬប្រតិកម្មជាមួយសារធាតុអ្វីម្យ៉ាងរហូតមានឈាមកកក្នុងភ្នែកបែបនេះ។ យ៉ាងណាមិញគ្មានការបកស្រាយណាមួយពីភ្នាក់ងាររបស់នាងនោះឡើយ៕

ប្រភព៖ allkpop