ស្វាមី សាន់ឆាយ បង្ហាញសកម្មភាពមួយនេះ នៅថ្ងៃ»»-ចុ»»-ង»»-ក្រោ»»-យ របស់នាង

កម្សាន្ត៖ តារាប្រុស លោក DJ Koo ដែលជាស្វាមីរបស់តារាសម្តែងស្រី Barbie Hsu និងក្រុមគ្រួសាររបស់នាងបាននាំយកធាតុរបស់នាង ទៅកន្លែងសម្រាកចុងក្រោយ នៅឯ Jinbaoshan កាលពីល្ងាចថ្ងៃទី ១៥ ខែមីនា កន្លងទៅនេះ។

ចាប់​ពី​រសៀល​ថ្ងៃ​ទី​១៥ ខែ​មីនា មក​ ​ក្រុម​គ្រួសារ​របស់តារាស្រីរូបនេះ បាន​បង្ហាញ​ខ្លួន​នៅ​ទី​បញ្ចុះ​សព។ ខណៈនៅកណ្តាលភ្លៀងធ្លាក់ខ្លាំង DJ Koo បានកាន់ធាតុរបស់ប្រពន្ធ ហើយចូលកន្លែងពិធីជាមួយគ្រប់គ្នា។ ប្រភពបានបន្តថា ក្នុងពិធីបុណ្យសព DJ Koo បានយំយ៉ាងខ្លាំង សក់របស់ប្អូនស្រីនាង ប្រែជាពណ៌សនៅលើក្បាល ហើយកូនទាំងពីររបស់តារាស្រីរូបនេះ បាននិយាយលាម្តាយ។ ប៉ុន្តែអ្នកជំនួញ លោក Wang Xiaofei ដែលជាអតីតស្វាមី Barbie Hsu មិនមានវត្តមាននោះទេ។

ជាការឆ្លើយតបទៅនឹងប្រព័ន្ធផ្សព្វផ្សាយ Dee Hsu ដែលជាប្អូនស្រី បាននិយាយ សូមអរគុណចំពោះការព្រួយបារម្ភរបស់អ្នកគ្រប់គ្នា អ្វីគ្រប់យ៉ាងបានប្រព្រឹត្តទៅដោយរលូន ។

យោងតាមបុគ្គលិកនៅទីនោះ ក្រុមគ្រួសារបានបញ្ជាក់ថា ពួកគេនឹងសង់រូបសំណាកនៅតំបន់ល្បី ដើម្បីរំលឹកដល់ Barbie Hsu។ គួររំឮកផងដែរថា កាលពីថ្ងៃទី ៣ ខែកុម្ភៈ កន្លងទៅ ប្រព័ន្ធផ្សព្វផ្សាយក្នុងស្រុកបានដកស្រង់សម្តីប្អូនស្រីរបស់ Barbie Hsu ដោយនិយាយថា តារាស្រីរូបនេះបានទទួលមរណភាព កាលពីថ្ងៃទី ២ ខែកុម្ភៈ ដោយសារជំងឺផ្តាសាយ និងរលាកសួត ខណៈកំពុងធ្វើដំណើរកម្សាន្តក្នុងប្រទេសជប៉ុន ក្នុងឱកាសបុណ្យចូលឆ្នាំថ្មី។

ប្រភព៖​ Ngoisao.net

សូមទស្សនារូបភាពខាងក្រោម៖