ទើបតែបានល្បីមួយរឿង តួអង្គប្រុសរឿង When The Phone Rings ជាប់រឿងអាស្រូវគេចពន្ធ

កម្សាន្ត៖ យោងតាមការចុះផ្សាយរបស់សារព័ត៌មានកូរ៉េ បានបញ្ជាក់ឲ្យដឹងថា តារាសម្ដែងប្រុស Yoo Yeon Seok ដែលត្រូវបានគេស្គាល់ក្នុងនាមជា Baek Sa Eon តួអង្គប្រុសក្នុងរឿង When The Phone Rings បានជាប់ពាក់ព័ន្ធនឹងរឿងអាស្រូវគេចពន្ធ។

តារាសម្ដែងប្រុសរូបនេះកំពុងត្រូវគេឃ្លាំមើលនិងពិនិត្យទៅលើបញ្ជីចំណូលនិងហិរញ្ញវត្ថុរបស់រូបគេ ជាមួយនឹង Forever Entertainment ដែលជាភ្នាក់ងាររបស់គេនិងជាក្រុមហ៊ុនរបស់គេផងដែរ ដោយគេសង្ស័យថាតារាប្រុសរូបនេះបានគេចពន្ធជាង ៤.៨២ លានដុល្លារ ដែលជាចំនួនមួយដ៏ធំសម្រាប់តារា ចាប់តាំងពី Honey Lee បានទទួលស្គាល់ថានាងបានគេចពន្ធជាង ៤.១៣លានដុល្លារ។

ភ្នាក់ងារតារាសម្ដែងរូបនេះបានចេញសេចក្ដីថ្លែងការណ៍មួយថា Yoo Yeon Seok ពុំបានគេចពន្ធនោះឡើយ តែគេសុំឲ្យមានការពិនិត្យទៅលើបញ្ជីហិរញ្ញវត្ថុឡើងវិញ ដោយសារគេជឿថាមានការគុណគូខុសតួលេខ៕  

ប្រភព៖ koreaboo