រូបភាពថ្មី កូនស្រី Angelina Jolie បង្ហាញភាពស្រស់ស្អាត ហ្វេនៗចាប់អារម្មណ៍ គ្រប់គ្នា

កម្សាន្ត៖ Shiloh ដែលត្រូវបានគេស្គាល់ថា ជាកូនស្រីបង្កើតរបស់ តារាសម្ដែងស្រី Angelina Jolie និង Brad Pitt បានបង្ហាញស្ទាយ៍ថ្មីប្លែកភ្នែក ជាមួយនឹងសក់ក្រង ខណៈដើរលេងជាមួយមិត្តភក្តិ កាល​ពីថ្ងៃទី ៥ ខែមេសា កន្លងទៅនេះ។

Shiloh Jolie ត្រូវ​បាន​គេ​ឃើញ​ដើរ​លេង​ជា​មួយ​ក្រុម​មិត្ត​ភក្តិ​ នៅ​ខាង​ក្រៅ​ស្ទូឌីយោ​រាំ ​ក្នុង​ទីក្រុង Los Angeles កាល​ពី​ចុង​សប្តាហ៍។ ក្មេងស្រីវ័យ ១៨ ឆ្នាំរូបនេះ បានបង្ហាញស្ទាយ៍តុបតែងខ្លួនដ៏គួរឲ្យចាប់អារម្មណ៍ ជាមួយនឹងការក្រងសក់ ហើយពាក់ក្រវិល និងចិញ្ចៀនបែបទាន់សម័យ។ ជាពិសេស នាងក៏បំពេញ​រូបរាងជាមួយនឹងស្ទាយ៍ស្លៀកពាក់​បែប​ហ៊ីបហប​ ក្នុងឈុតពណ៌​ខ្មៅ។

យ៉ាងណាមិញ រូបរាងថ្មីរបស់ Shiloh ដែលបានបង្ហាញបែបនេះ ធ្វើឲ្យហ្វេនៗជាច្រើន បាននឹកឃើញដល់ Angelina Jolie នៅពេលដែលតារាស្រីហូលីវូដរូបនេះ កាលពីនៅក្មេង លេងស្ទាយ៍សក់ក្រងនៅក្នុងរឿង 'Tomb Raider' ឆ្នាំ ២០០១ ។

ថ្មីៗនេះដែរ Shiloh ក៏បានបង្អួតសក់វែងរបស់នាង តាមរបៀបដ៏កម្រមួយ នៅពេលដែលនាងបានដោះអាវក្រៅ ពេលចេញទៅក្រៅ កាលពីដើមខែមេសា។ កូនស្រីរបស់ Angelina Jolie រូបនេះ ក៏ត្រូវបានគេសរសើរ ថាមើលទៅមានភាពជាស្រី្តជាងមុន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖