អតីតស្វាមី Jennifer Lopez និយាយ បែបនេះ ពី Angelina Jolie ហ្វេនៗចាប់អារម្មណ៍ គ្រប់គ្នា

កម្សាន្ត៖ តារាសម្តែងប្រុស លោក Ben Affleck ដែលជាអតីតស្វាមីតារាចម្រៀងស្រី Jennifer Lopez ត្រូវបានគេនិយាយថា លួចចូលចិត្ត តារាសម្តែង Angelina Jolie ដែលជាអតីតភរិយារបស់ Brad Pitt ។

យោងតាម គេហទំព័រ Dailymail មិត្តភក្តិជិតស្និទ្ធរបស់ Ben Affleck ម្នាក់ បានសួរទៅតារាសម្តែងរូបនេះ ថា «តើនរណាជាតារាភាពយន្តដ៏ធំបំផុតរបស់អ្នក?» ហើយចម្លើយគឺ Angelina Jolie ។

ប្រភពជិតស្និទ្ធបានលើកឡើងថា តារាសម្ដែង Ben បាននិយាយថា រូបលោកតែងតែគិតថា Angelina អស្ចារ្យ ហើយកោតសរសើរ ពីរបៀបដែលនាងស្វែងរកអាជីពរបស់ខ្លួន ដោយហៅនាងថា ឆ្លាតវៃ។ តារាប្រុសរូបនេះ គិតថា Angelina ពូកែក្នុងការដឹកនាំរឿង ដែលខ្លួនបានធ្វើការជាមួយ The Town និង Argo ។ 

ប្រភព​ដដែល​ បាន​និយាយទៀត​ថា Ben Affleck និង Angelina Jolie មាន​វ័យស្រករគ្នា ហើយ​មាន​ភាព​ស្រដៀង​គ្នា​ជា​ច្រើន។ ហេតុផលមួយទៀត ដែលតារាប្រុសវ័យ ៥១ ឆ្នាំរូបនេះ ត្រូវបានគេនិយាយថា ធ្លាក់ក្នុងអន្លង់ស្នេហ៍ ជាមួយតារាស្រីវ័យ ៤៩ ឆ្នាំនោះ គឺដោយសារតែ Angelina ជាមនុស្សដែលផ្តោតលើគ្រួសារដូចខ្លួន។ ខណៈដែល Angelina មានកូនប្រាំមួយនាក់ ជាមួយ Brad Pitt ហើយ Ben មានកូនបីនាក់ ជាមួយអតីតភរិយា គឺតារាសម្តែង Jennifer Garner ៕

ប្រភព៖​ Ngoisao.net

សូមទស្សនារូបភាពខាងក្រោម៖